مرد کے ستر کے مسائل

مرد کے ستر کے مسائل :
مرد مرد کے ہر حصہ بدن کی طرف نظر کرسکتا ہے سوا ان اعضا کے جن کا ستر ضروری ہے۔
وہ ناف کے نیچے سے گھٹنے کے نیچے تک ہے کہ اس حصہ بدن کا چھپانا فرض ہے.
جن اعضا کا چھپانا ضروری ہے ان کو عورت کہتے ہیں ۔ کسی کو گھٹنا کھولے ہوئے دیکھے تو اسے منع کرے
اور ران کھولے ہوئے دیکھے تو سختی سے منع کرے
اور شرم گاہ کھولے ہوئے ہو تو اسے سزا دی جائے گی۔  (عالمگیری)

بہت چھوٹے بچے کے لیے عورت نہیں یعنی اس کے بدن کے کسی حصہ کا چھپانا فرض نہیں،
پھر جب کچھ بڑا ہوگیا تو اس کے آگے پیچھے کا مقام چھپانا ضروری ہے۔
پھر جب اور بڑا ہوجائے دس برس سے بڑا ہوجائے توا س کے لیے بالغ کا سا حکم ہے۔  (ردالمحتار)

جس حصہ بدن کی طرف نظر کرسکتا ہے اس کو چھو بھی سکتا ہے۔  (ہدایہ)
اور جس طرف نظر نہیں کر سکتا اسے چھوبھی نہیں سکتا.

از
#احسان_اللہ کیانی