Saturday, July 2, 2016

مختصر اسلامی سوال و جواب (یونی کوڈ اردو میں )


بسم اللہ والحمد للہ والصلوۃ والسلام علی رسول اللہ
ایک عرصے سے میری خواہش تھی، کوئی ایسا فتاوی ملے جس میں مختصر جوابات ہوں،تاکہ عوام آسانی سے اسے سمجھ سکے ،مگر بہت تلاش کے بعد بھی مجھے کوئی ایسا فتاوی مل نہ سکا ،جس میں باتیں بھی دلچسپ ہوں ،بالآخر اللہ تعالی پر بھروسہ کرکے خود ہی یہ کام شروع کر دیا ،اور یہ مختصر سا نام نہاد فتاوی آپ کے سامنے ہے ،کیونکہ اس میں سارے فتاوی یا تو اکابرین کے ہی ہیں ،یا اکابرین کی کتابوں ہی سے لیے گئے ہیں ،اس لیے میں نے اس کا نام ''فیض الفتاوی ''رکھا ہے ،ابھی اس میں کافی محنت کی ضرورت تھی ،مگر فل حال میرے پاس اتنی فرصت نہیں ،کہ اس کی فہرست تیار کروں ،پھر اسکے مسائل کو مختلف ابواب میں رکھوں ،لھذا میں نے اسے آپ کے سامنے اسی حالت میں پیش کر دیا ،امید ہے یہ مفید بھی ہوگا ،اگر کوئی ان پیج میں اس کی فہرست تیار کردے ،تو اسکی بڑی مہربانی ہو گی ،اللہ تعالی اسے جزا ئے خیر دے ،اگر کوئی یہ کتاب چھپوانا چاہے ،تو بھی مجھ سے رابطہ کر لے ،انشاء اللہ کاروباری اعتبار سے بھی اسے فائدہ ہوگا ۔والسلام۔۔۔۔۔۔ احسان اللہ
یہ میں نے کتاب کے مقدمہ میں لکھا تھا ،بلاگ پر تو کسی فہرست کی ضرورت نہیں ۔

ایک فرشتہ جو سات زمین و آسمان کو نگل جائے :۔۔۔۔۔۔
سوال :۔۔۔۔۔۔سنا ہے اللہ کا ایک ایسا فرشتہ ہے جو سات زمین و آسمان کو نگل جائے ،کیا یہ بات ٹھیک ہے ؟
جواب :۔۔۔۔۔۔جی ہاں ،یہ بات حدیث میں ہے :(إن ﷲ تعالی ملکا لو قیل لہ: التقم السماوات السبع والأرضین بلقمۃ واحدۃ لفعل)بے شک اللہ تعالی کا ایک فرشتہ ہے اگر اسے کہا جائے کہ
سات زمین و آسمان کو ایک لقمے میں نگل جا، تو وہ نگل جائے گا
(اخرجہ الطبرانی فی الکبیر ،والھندی فی الکنز :رقم :
٢٩٨٣٢)
٭٭٭

بدھ کے دن کام شروع کرنا :۔۔۔۔۔۔
سوال :کیا وجہ ہے کہ لوگ(علماء کرام ) بد ھ کے دن کتاب شروع کرواتے ہیں ؟
کیونکہ حدیث میں نبی کریم فرماتے ہیں: مامن شیء بدا یوم الاربعاء الاتم جو چیز بدھ کے دن شروع کی جاتی ہے وہ اتمام کو پہنچتی ہے۔(کشف الخفائ)
(فتاوی رضویہ ،ج
٢٧،ص٤٤،ملخصا)
٭٭٭

خلاف ِترتیب قرآن پڑھنا :۔۔۔۔۔۔
سوال :۔۔۔۔۔۔نماز میں سورۃ الکافرون کے بعد سورۃ الفیل پڑھنا کیسا ہے ؟؟
جواب :۔۔۔۔۔۔مکروہ تحریمی ہے۔ (در مختار)
٭٭٭

مسائل فقہ اور حفظ قرآن میں افضل :۔۔۔۔۔۔
سوال:۔۔۔۔۔۔کیا مسائل فقہ کا سیکھنا مکمل قرآن پاک حفظ کرنے سے افضل ہے ؟؟
جواب :۔۔۔۔۔۔جی ہاں یہ بات فتاوی شامی میں ہے جسے رد المحتار کہتے ہیں ۔
٭٭٭

جماعت کے فورا بعد سنت فجراداکرنا :۔۔۔۔۔۔
سوال :۔۔۔۔۔۔جس کی فجر کی سنتیں رہ جائیں کیا جماعت کے فورا بعد پڑھ سکتا ہے ؟؟
جواب :۔۔۔۔۔۔یہ ناجائز ہے (بہار شریعت )
٭٭٭

فجر کی سنتیں وقت جماعت مسجد کے صحن میں پڑھنی چاہیے :۔۔۔۔۔۔
سوال :۔۔۔۔۔۔کیا فجر کی جماعت شروع ہونے کے بعد صف کے درمیان یا پیچھے فجر کی سنتیں پڑھ سکتے ہیں ؟؟
جواب :۔۔۔۔۔۔ایسا کرنا ناجائز ہے (بہارشریعت )
٭٭٭

میت کی خوبیاں ہی بیان کرنی چاہیے:۔۔۔۔۔۔
سوال :۔۔۔۔۔۔کیا فوت شدہ مسلمانوں کو برا کہا جاسکتا ہے ؟
جواب :۔۔۔۔۔۔اپنے مردوں کی خوبیاں بیان کرو،ان کی برائیاں نہ بیان کرو (سنن ابوداؤد )
٭٭٭

اصحاب کھف نبی تھے یا ولی :۔۔۔۔۔۔
سوال :۔۔۔۔۔۔اصحاب کھف تین سو سال بغیر خوراک کے غار میں سوئے رہے کیا وہ نبی تھے ؟؟
جواب :۔۔۔۔۔۔وہ نبی نہیں تھے ،بلکہ اولیاء اللہ تھے ،اور یہ ان کی کرامت تھی ۔
٭٭٭

ایک گائے کاعجیب واقعہ :
سوال :۔۔۔۔۔۔ایک شخص گائے پر سوار ہوا،تو اسکی گائے اسکی طرف منہ کرکے بولی میں اس لیے نہیں بنائی گئی ،کیا یہ حدیث ہے ؟؟
جواب :۔۔۔۔۔۔جی ہاں یہ حدیث بخاری ،اورمسلم شریف میں ہے۔
٭٭٭

مخلوق کو نور ماننا شرک نہیں :۔۔۔۔۔۔
سوال :۔۔۔۔۔۔کیا فرشتوں کو نور ماننا شرک ہے ۔۔؟؟
جواب :۔۔۔۔۔۔ہر گزشرک نہیں ،کیونکہ صحیح مسلم کی حدیث میں ہے فرشتوں کو نور سے پیدا کیا گیا ۔
٭٭٭

اللہ میاں اور اللہ سائیں کہنا جائز نہیں :۔۔۔۔۔۔
سوال :۔۔۔۔۔۔کیا اللہ میاں اور اللہ سائیں کہنا جائز ہے ؟؟
جواب :۔۔۔۔۔۔یہ کہنا نا جائز ہے (تفہیم المسائل )
٭٭٭

اللہ کو عاشق کہنا جائز نہیں :۔۔۔۔۔۔
سوال :۔۔۔۔۔۔ اللہ کو عاشق کہنا ناجائز ہے ،یہ بات کس کتاب میں ہے؟؟
جواب :۔۔۔۔۔۔فتاوی رضویہ میں ہے ،اور فتاوی رضویہ امام احمد رضاخان بریلوی کا مجموعہ فتاوی ہے ۔
٭٭٭

فاروق اعظم نے مسلمان سے سلام و کلام سے منع فرمادیا :۔۔۔۔۔۔
سوال :۔۔۔۔۔۔حضرت عمر رضی اللہ عنہ نے صبیغ بن عسل سے مسلمانوں کو سلام و کلام کرنے سے منع فرمادیا تھا ،کیونکہ یہ لوگوں سے متشابھات قرآن کے متعلق سوالات کرتا تھا یہ بات کس کتاب میں ہے؟؟
جواب :۔۔۔۔۔۔یہ امام ابن عَساکر کی تاریخ دمشق میں ہے ،فتاوی رضویہ میں بھی ہے ۔
٭٭٭

بچوں کے سر پر چند بال چھوڑ دیناحرام ہے :۔۔۔۔۔۔
سوال :۔۔۔۔۔۔کیا مرد کے سر پر چوٹی رکھنا جائز ہے (یعنی وہ چند بال جو بچوں کے سر پر بطور نذر چھوڑ دیے جاتے ہیں )؟؟
جواب :۔۔۔۔۔۔فتاوی رضویہ ،جلد
٢١ میں ہے :مرد کے سر پر چوٹی رکھنا حرام ہے ،خصوصا کسی کے نام کی چوٹی۔
٭٭٭

غوث اعظم کو صحابہ سے افضل کہنا :۔۔۔۔۔۔
سوال :۔۔۔۔۔۔غوث اعظم کو صحابہ کرام سے افضل کہنے کیسا ہے ؟؟
جواب:۔۔۔۔۔۔گمراہی ہے (فتاوی رضویہ )
٭٭٭

جنازے کی دعا نہ آتی ہو ،تو کیا جنازے ہو گا :۔۔۔۔۔۔
سوال :۔۔۔۔۔۔اگر کسی شخص کو جنازے کی دعا نہ آتی ہو، تو کیاوہ نماز جنازہ پڑھ سکتا ہے ؟؟
جواب :۔۔۔۔۔۔جی ہاں ،پڑھ سکتا ہے کیونکہ نماز جنازہ کے دو فرض ہیں ،(
١)۔۔۔۔۔۔چار بار اللہ اکبر کہنا، (٢)۔۔۔۔۔۔قیام (ثناء ،درود ،دعا ،سنت موکدہ ہے )مگر یاد رہے چاربار اللہ اکبرزبان سے کہنا ضروری ہے ۔
٭٭٭

مسجد میں نماز جنازہ پڑھنا :۔۔۔۔۔۔
سوال :۔۔۔۔۔۔کیا مسجد میں نماز جنازہ جائز ہے ؟؟
جواب :۔۔۔۔۔۔مسجد میں نماز جنازہ مطلقا منع ہے۔
٭٭٭

ایک مسجد کی رقم دوسری مسجد میں استعمال کرنا :۔۔۔۔۔۔
سوال :۔۔۔۔۔۔کیا ایک مسجد کی رقم دوسری مسجد میں استعمال کرسکتے ہیں ؟؟
جواب :۔۔۔۔۔۔کسی مسجد کی رقم یا سامان دوسری مسجد میں صَرف کرنا جائز نہیں (تفہیم المسائل )
٭٭٭

نماز میں کہاں ہاتھ باندھنا سنت ہے :۔۔۔۔۔۔
سوا ل :۔۔۔۔۔۔نماز میں ہاتھ کہا باندھنا سنت ہے ؟؟
جواب :۔۔۔۔۔۔سنن ابو داؤد میں ہے:حضرت علی رضی اللہ عنہ فرماتے ہیں ،نماز میں ہاتھ ناف کے نیچے باندھنا سنت ہے ۔
٭٭٭

اذان اور اقامت کے کلمات کتنی بار کہے جائیں ـ:۔۔۔۔۔۔
سوال :۔۔۔۔۔۔حضرت بلال رضی اللہ عنہ اذان اور اقامت کے کلمات دو دو بار کہتے تھے ،یہ روایت کس کتاب میں ہے ؟؟
جواب :۔۔۔۔۔۔یہ روایت امام طحاوی کی کتاب شرح معانی الآثار میں ہے
٭٭٭

نماز میں رفع یدین کتنی بار :۔۔۔۔۔۔
سوال :۔۔۔۔۔۔رسول اللہ ؐ نماز کی ابتداء میں صرف (اللہ اکبر کہتے ہوئے )ہاتھ اٹھاتے تھے ،پھر باقی نماز میں ہاتھ نہیں اٹھاتے تھے ،یہ حدیث کس کتاب میں ہے ؟؟
جواب :۔۔۔۔۔۔سنن ابوداؤد میں ہے
٭٭٭

ایک محبوب عمل :۔۔۔۔۔۔
سوال :۔۔۔۔۔۔رسول اللہ ؐ سے پوچھا گیا کہ اللہ تعالی کو زیادہ محبوب عمل کونسا ہے تو آپ ؐ نے کیا فرمایا ؟؟
جواب :۔۔۔۔۔۔مختلف روایات میں مختلف ہے ،ایک روایت میں ہے ،اپنے وقت پر نماز پڑھنا (صحیح بخاری )
٭٭٭

جس نے عصر کی نماز چھوڑدی :۔۔۔۔۔۔
سوال :۔۔۔۔۔۔بخاری شریف سے عصر کی نماز چھوڑنے کے متعلق ایک حدیث بتا دیں ؟
جواب :۔۔۔۔۔۔جس نے عصر کی نماز چھوڑ دی اس کا عمل برباد ہو گیا
٭٭٭

ابرہہ کا لشکراورابابیل پرندے:۔۔۔۔۔۔
سوال :۔۔۔۔۔۔ابرہہ نے جب ہاتھیوں کے لشکر کے ساتھ کعبہ پر حملہ کیا تو کونسے پرندے آئے تھے ،اور انھوں نے کیا کیا ؟؟
جواب :۔۔۔۔۔۔ابابیل پرندے آئے جن کی چونچ او رپنجو ں میں ایک ایک کنکری تھی ،ان کی کنکری گولی کی طرح ہاتھی اور اس پر سوار شخص کے جسم کو چھیرتی ہوئی گزر جاتی ۔
٭٭٭

جان بوجھ کر نماز چھوڑنے کی سزا:۔۔۔۔۔۔
سوال :۔۔۔۔۔۔جس نے جان بوجھ کر نماز چھوڑدی، اس کی کیا سزا ہے ؟؟
جواب :۔۔۔۔۔۔حدیث میں ہے :اللہ تعالی اس کا نام جھنم کے اس دروازے پر لکھ دے گا ،جس سے اس نے داخل ہونا ہے (الزواجر،امام ھیتمی)
٭٭٭

یہ رباعی کس بزرگ کی ہے :۔۔۔۔۔۔
سوال :۔۔۔۔۔۔بلغ العلی بکمالہ کس بزرگ کی رباعی ہے ؟؟
جواب :۔۔۔۔۔۔شیخ سعدی رحمۃ اللہ علیہ کی ۔
٭٭٭

ننگے سر نماز پڑھنا کیسا ہے :۔۔۔۔۔۔
سوال :۔۔۔۔۔۔ننگے سر نماز پڑھنا کیسا ہے ؟؟
جواب :۔۔۔۔۔۔سستی سے ننگے سر نماز پڑھنا مکروہ ہے (درمختار)
٭٭٭

قیامت کس دن آئے گی :۔۔۔۔۔۔
سوال:۔۔۔۔۔۔قیامت کس دن آئے گی ۔۔؟؟
جواب :۔۔۔۔۔۔صحیح مسلم کی حدیث میں ہے :قیامت جمعہ کے دن آئے گی ۔
٭٭٭

باجماعت نماز میں وضو ٹوجائے تو :۔۔۔۔۔۔
سوال :۔۔۔۔۔۔اگر باجماعت نماز میں کسی کا وضو ٹوٹ جائے تو اسے کیا کرنا چاہیے ؟؟
جواب :۔۔۔۔۔۔اسے چاہیے کہ اسی لمحہ نماز کو ترک کر دے ،ناک پر ہاتھ رکھ کر ،نمازیوں کے درمیان یا کنارے سے ،راستہ بناتے ہوئے جماعت سے نکل جائے ۔
٭٭٭

وہ بزرگ کون تھے :۔۔۔۔۔۔
سوال :۔۔۔۔۔۔وہ کون سے بزرگ تھے جو طالب علمی کے زمانے میں بہت غریب تھے ،مگر کتابیں پڑھنے کا بہت شوق تھا ، ایک بارانھوںنے مکان کی چھت توڑی اور اس کی کڑیاں فروخت کر کے کتابیں خریدیںتھی؟؟
جواب :۔۔۔۔۔۔وہ بزرگ امام مالک رحمۃ اللہ علیہ تھے (تذکرۃ المحدثین ،علامہ غلام رسول سعیدی )
٭٭٭

کیا کبھی کسی مچھر نے کاٹا :۔۔۔۔۔۔
سوال :۔۔۔۔۔۔کیا رسول اللہ ؐ کو کبھی کسی مچھر نے کاٹا ؟؟
جواب :۔۔۔۔۔۔آپ کو کبھی کسی مچھر نے نہیں کاٹا (شرح زرقا نی)
٭٭٭

کیا بدن مبارک پر کبھی مکھی بیٹھی تھی:۔۔۔۔۔۔
سوال :۔۔۔۔۔۔کیا آپ ؐ کے جسم مبارک پر کبھی مکھی بیٹھی تھی؟؟
جواب :۔۔۔۔۔۔بد ن تو کیا آپ کے کپڑوں پر بھی کبھی مکھی نہیں بیٹھی (شرح زرقانی)
٭٭٭
مہر نبوت کیسی تھی :۔۔۔۔۔۔
سوا ل :۔۔۔۔۔۔آپ ؐ کی مہر نبوت کیسی تھی ؟؟
جواب :۔۔۔۔۔۔دونوں کندھوں کے درمیان کبوتر کے انڈے کے برابر مہر نبوت تھی (شمائل ترمذی )
٭٭٭

قد ِمبارک کیسا تھا :۔۔۔۔۔۔
سوال :۔۔۔۔۔۔رسول اللہ ؐ کا قد مبارک کیسا تھا ؟؟
جواب :۔۔۔۔۔۔ آپ ؐ نہ بہت لمبے تھے ،نہ بہت پست قد ،بلکہ آپ ؐ درمیانے قد والے تھے (سیر ت مصطفی ؐ )
٭٭٭

سر مبارک کیسا تھا :۔۔۔۔۔۔
سوال :۔۔۔۔۔۔رسول اللہ ؐ کا سر مبارک کیسا تھا ؟؟
جواب :۔۔۔۔۔۔سرمبارک بڑا تھا (شمائل ترمذی )
٭٭٭

بال مبارک کیسے تھے :۔۔۔۔۔۔
سوال :۔۔۔۔۔۔رسول اللہ ؐ کے بال مبارک کیسے تھے ؟؟
جواب :۔۔۔۔۔۔بال مبارک نہ گھنگریالے تھے ،نہ بالکل سیدھے ،بلکہ ان دونوں کیفیتوں کے درمیان تھے (سیر ت مصطفی ؐ)
٭٭٭

زلفوں کی لمبائی :۔۔۔۔۔۔
سوال :۔۔۔۔۔۔رسول اللہ ؐ کے بال مبارک کہاں تک ہوتے تھے ؟؟
جواب :۔۔۔۔۔۔کبھی کانوں کی لو تک ،اور کبھی کندھوں تک ہوتے تھے (سیر ت مصطفی ؐ )
٭٭٭

تیل لگانا سنت ہے :۔۔۔۔۔۔
سوا ل:۔۔۔۔۔۔کیا آپ ؐ بالوں میں تیل لگاتے تھے ؟؟
جواب :۔۔۔۔۔۔جی ہاں اکثر بالوں میں تیل لگاتے تھے (سیرت مصطفی ؐ )
٭٭٭

سر اور داڑھی میں سفید بالوں کی تعداد :۔۔۔۔۔۔
سوال :۔۔۔۔۔۔رسول اللہ ؐ کے سر اور داڑھی میں کتنے بال سفید تھے ؟؟
جواب :۔۔۔۔۔۔بال مبارک آخری عمر تک کالے ہی تھے ،سر اور داڑھی میں زیادہ سے زیادہ بیس بال سفید تھے (شمائل ترمذی)
٭٭٭

آنکھیں مبارک :۔۔۔۔۔۔
سوال :۔۔۔۔۔۔آپ ؐ کی آنکھیں کیسی تھیں ؟؟
جواب :۔۔۔۔۔۔آپ کی آنکھیں مبارک بڑی بڑی اورسُرمَگیں تھیں (یعنی قدرتی طور پر ایسے معلوم ہوتا جیسے سرمہ لگا ہوا ہے )،آنکھ کا کالا حصہ خوب کالا ،اور سفید حصہ خوب سفید تھا ،آنکھوں میں باریک باریک سرخ ڈورے تھے ۔(شمائل ترمذی)
٭٭٭

پلکیں مبارک :۔۔۔۔۔۔
سوال :۔۔۔۔۔۔رسول اللہ ؐ کی پلکیں مبارک کیسی تھی ؟؟
جواب :۔۔۔۔۔۔آپ ؐ کی پلکیں مبارک گھنی اور لمبی تھیں(شمائل ترمذی)
٭٭٭

کبھی جمائی نہیںآئی :۔۔۔۔۔۔
سوال :۔۔۔۔۔۔کیا آپ کو کبھی جمائی آئی ؟؟
جواب :۔۔۔۔۔۔آپ ؐ کو کبھی جمائی نہیں آئی (شرح زرقانی )
٭٭٭

لعاب دہن میں شفا تھی :۔۔۔۔۔۔
سوال :۔۔۔۔۔۔کیا آپ ؐ کے لعاب دہن میں شفا دی ؟؟
جواب :۔۔۔۔۔۔جی ہاں ،جب غار ثور میں صدیق اکبر رضی اللہ عنہ کو سانپ نے کاٹا تو اسی سے شفا ملی تھی (سیرت مصطفی ؐ)
٭٭٭

مصافحہ کرتے تو خوشبو آتی رہتی :۔۔۔۔۔۔
سوال :۔۔۔۔۔۔کیا آپ مصافحہ کرتے تھے ؟؟
جواب :۔۔۔۔۔۔جی ہاں !جو آپ ؐ سے مصافحہ کرتا ،دن بھر اپنے ہاتھوں سے خوشبو محسوس کرتا رہتا تھا (صحیح مسلم)
٭٭٭

بچے اور میرے مصطفی ؐ : ۔۔۔۔۔۔
سوال :۔۔۔۔۔۔بچے جب حضور ؐ کو دیکھتے تو کیا کرتے ؟؟
جواب :۔۔۔۔۔۔بچے آپ ؐ کو دیکھ کرآپ کی طرف دوڑتے ہوئے آتے ،آپ ؐ ان میں سے ہر ایک کے رخسار پر اپنا دست اقدس پھیرتے ،وہ آپ کے مبارک ہاتھ کی ٹھنڈک اور خوشبو کو محسوس کرتے تھے (صحیح مسلم)
٭٭٭

ہاتھ اور بازو مبارک :۔۔۔۔۔۔
سوال :۔۔۔۔۔۔آپ ؐ کے ہاتھ اور بازو مبارک کیسے تھے ؟؟
جواب :۔۔۔۔۔۔آپ ؐ کی ہتھیلیاں چوڑی ،پُر گوشت ،کلائیاں لمبی ،بازومبارک دراز ،اور پُر گوشت تھے (شمائل ترمذی)
٭٭٭

پیٹ مبارک اور سینہ مبارک :۔۔۔۔۔۔
سوال :۔۔۔۔۔۔آپ ؐ کا پیٹ اور سینہ کیسا تھا ؟؟
جواب :۔۔۔۔۔۔آپ ؐ کا شکم مبارک (یعنی پیٹ مبارک )اور سینہ ہموار اور برابر تھا (شمائل ترمذی )
٭٭٭

تیزرفتاری کا انداز :۔۔۔۔۔۔
سوال:۔۔۔۔۔۔آپ ؐ کیسے تیز چلتے تھے ؟؟
جواب :۔۔۔۔۔۔آپ ؐ تواضع اور وقار کے ساتھ تیز چلتے تھے (شمائل ترمذی)
٭٭٭

ثبوت احکام کیلئے درجہ حدیث :۔۔۔۔۔۔
سوال :۔۔۔۔۔۔احکام میںاحتجاج کے لیے کم از کم حدیث کس درجہ کی ہونی چاہیے؟؟
جواب :۔۔۔۔۔۔حدیث کم ازکم حسن لغیرہ ہونی چاہیے (فتاوی رضویہ )
٭٭٭

فضائل و مناقب میں ضعیف حدیث :۔۔۔۔۔۔
سوال :۔۔۔۔۔۔کیا حدیث ضعیف پر فضائل اعمال میں عمل کیا جائے گا ؟؟
جواب :۔۔۔۔۔۔فضائل و مناقب میں باتفاق علماء ضعیف حدیث بھی کافی ہے (فتاوی رضویہ )
٭٭٭

گردن مبارک :۔۔۔۔۔۔
سوال :۔۔۔۔۔۔رسول اللہ ؐ کی گردن مبارک کیسی تھی ؟؟
جواب :۔۔۔۔۔۔آپ ؐ کی گردن مبارک باریک اور چاندی کی طرح صاف شفاف تھی (سیر ت مصطفی ؐ )
٭٭٭

پنڈلیاں اور پاؤں مبارک :۔۔۔۔۔۔
سوال :۔۔۔۔۔۔آپ ؐ کی پنڈلیاں اور پاؤں مبارک کیسے تھے ؟؟
جوا ب:۔۔۔۔۔۔آپ ؐ کی پنڈلیاں قدرے پتلی اورپاؤں نرم و نازک تھے (شمائل ترمذی )
٭٭٭

عمامہ شریف کا شملہ مبارک :۔۔۔۔۔۔
سوال :۔۔۔۔۔۔کیا آپ ؐ عمامہ شریف میں شملہ چھوڑتے تھے ؟؟
جواب :۔۔۔۔۔۔جی چھوڑتے تھے ،کبھی ایک کندھے پر ،کبھی دونوں کندھوں کے درمیان رہتا تھا (شمائل ترمذی )
٭٭٭

بغیر ٹوپی کے عمامہ باندھنا :۔۔۔۔۔۔
سوال :۔۔۔۔۔۔کیا بغیر ٹوپی کے عمامہ شریف باندھنا جائز ہے ؟؟
جواب :۔۔۔۔۔۔آپ ؐ ہمیشہ ٹوپی پر عمامہ شریف باندھتے ،اور آپ نے بغیر ٹوپی کے عمامہ باندھنے سے منع فرمایا ہے (سنن ابی داؤد )
٭٭٭

فتح مکہ کے دن عمامہ شریف کا رنگ :۔۔۔۔۔۔
سوال :۔۔۔۔۔۔فتح مکہ کے دن آپ ؐ نے کون سا عمامہ شریف پہنا ہوا تھا ؟؟
جواب :۔۔۔۔۔۔فتح مکہ کے دن آپ ؐ نے کالا عمامہ پہنا ہوا تھا (شمائل ترمذی)
٭٭٭

پسندیدہ چادر :۔۔۔۔۔۔
سوال :۔۔۔۔۔۔آپ ؐ کو کونسی چادر پسند تھی ؟؟
جواب :۔۔۔۔۔۔یمن کی دھاری دار چادر پسند تھی ،جسے حبرہ کہتے ہیں (سنن ابی داؤد )
٭٭٭

نعلین مبارک کی شکل :۔۔۔۔۔۔
سوال :۔۔۔۔۔۔آپ ؐ کے نعلین مبارک کی شکل کیسی تھی ؟؟
جواب :۔۔۔۔۔۔آپ ؐ کے نعلین مبارک کی شکل و صورت ایسی تھی ،جیسے ہندوستان میں چیل ہوتے ہیں ،اکثر نعلین میں دو تسمے ہوا کرتے تھے (سیرت مصطفی ؐ )
٭٭٭

پسندیدہ رنگ :۔۔۔۔۔۔
سوال :۔۔۔۔۔۔آپ ؐ کو کس رنگ کا کپڑا پسند تھا ؟؟
جواب :۔۔۔۔۔۔آپ ؐ کو سفید رنگ کا کپڑا پسند تھا (سیر ت مصطفی ؐ )
٭٭٭

انگوٹھی مبارک کا نقش :۔۔۔۔۔۔
سوال :۔۔۔۔۔۔آپ ؐ کی انگوٹھی مبارک پر کیا لکھا ہوا تھا ؟؟
جواب :۔۔۔۔۔۔آپؐ کی انگوٹھی مبارک پر اوپر نیچے تین سطروں میں ''محمد رسول اللہ '' لکھا ہوا تھا (سیر ت مصطفی ؐ)
٭٭٭

شلوار مبارک اکثرنصف ساق تک ہوتی تھی :۔۔۔۔۔۔
سوال :۔۔۔۔۔۔آپ ؐ کی شلوار مبارک کہا ں تک ہوا کرتی تھی ؟؟
جواب :۔۔۔۔۔۔آپ ؐ کی شلوار مبارک اکثر آدھی پنڈلی تک ہوتی تھی (فتاوی رضویہ )
٭٭٭

عمامہ شریف کا سائز :۔۔۔۔۔۔
سوال :۔۔۔۔۔۔آپ ؐ کے عمامہ شریف کا سائز کیا ہوتا تھا ؟؟
جواب :۔۔۔۔۔۔عمامہ شریف کم از کم پانچ اور زیادہ سے زیادہ بارہ ہاتھ ہوتا تھا (فتاوی رضویہ)
٭٭٭

مصطفی ؐ بھی تالاب میں تیرے :۔۔۔۔۔۔
سوال :۔۔۔۔۔۔کیا حضور ؐ کبھی صحابہ کرام کے ساتھ تیرے بھی ہیں؟؟
جوا ب :۔۔۔۔۔۔جی ہاں !حضور اکرمؐ صحابہ کرام کے ساتھ تالاب میں تیرے بھی ہیں (فتاوی رضویہ )
٭٭٭
داڑھی مبارک کی مقدار :۔۔۔۔۔۔
سوال :۔۔۔۔۔۔رسول اللہ ؐ کی داڑھی مبارک کتنی ہوتی تھی ؟؟
جواب :۔۔۔۔۔۔حضور ؐ ایک مشت سے زائد داڑھی کاٹ دیتے تھے ،یہ بات درست نہیں ہے کہ آپ کی داڑھی ایک مشت سے بڑھتی ہی نہیں تھی (فتاوی رضویہ)
٭٭٭

مدینہ شریف کو یثرب کہنا :۔۔۔۔۔۔
سوال :۔۔۔۔۔۔کیا مدینہ شریف کو یثرب کہنا منع ہے ؟؟
جواب :۔۔۔۔۔۔مدینہ شریف کو یثرب کہنا ممنوع اور گناہ ہے (فتاوی رضویہ)
٭٭٭

بد ھ کے دن جوکام شروع کیا جائے وہ :۔۔۔۔۔۔
سوال :۔۔۔۔۔۔اکثر اساتذہ کرام بد ھ کے دن کتاب کیوں شروع کرتے ہیں ؟؟
جواب :۔۔۔۔۔۔کیونکہ حدیث شریف میں ہے جو کام بدھ کو شروع کیا جائے ،وہ مکمل ہو جاتا ہے (کشف الخفائ)
٭٭٭

صحاح ستہ:۔۔۔۔۔۔
سوال :۔۔۔۔۔۔حدیث شریف کی مشہور چھ کتب کے نام بتائیں ،جنھیں صحاح ستہ کہا جاتا ہے؟؟
جواب :۔۔۔۔۔۔بخاری ،مسلم ،ابوداؤد ،ترمذی ،نسائی ،ابن ماجہ
٭٭٭

جنت میں اکثریت کن کی ہوگی :۔۔۔۔۔۔
سوال :۔۔۔۔۔۔جنت میں اکثر کون لوگ ہوں گے ؟؟
جواب :۔۔۔۔۔۔رسول اللہ ؐ نے فرمایا میں نے جنت کا مشاہدہ کیا تو اکثر یت فقراء کی دیکھی (بخاری ،مسلم)
٭٭٭

مصطفی ؐ کی آنکھوں کی ٹھنڈک :۔۔۔۔۔۔
سوال :۔۔۔۔۔۔رسول اللہ ؐ کی آنکھوں کی ٹھنڈک کس میں ہے ؟؟
جواب :۔۔۔۔۔۔آپ ؐ نے فرمایا :میری آنکھوں کی ٹھنڈک نماز میں ہے (سنن نسائی )
٭٭٭

سلام کرتے وقت جھکنا :۔۔۔۔۔۔
سوال :۔۔۔۔۔۔سلام کرتے وقت جھکنا کیسا ہے ؟؟
جواب :۔۔۔۔۔۔سلام کرتے وقت جھکنا ،اگر حدِ رکوع تک ہو تو حرام ہے ۔(بہار شریعت )
٭٭٭

نور ِایمان اور شراب نوشی :۔۔۔۔۔۔
سوال :۔۔۔۔۔۔شرابی کے بارے میں حدیث میں کیا وعید ہے ؟؟
جواب :۔۔۔۔۔۔جس نے شراب پی نور ِایمان اس کے بدن سے خارج ہو گیا (جامع صغیر )
٭٭٭

صحیح بخاری کی حدیث نمبر
١ :۔۔۔۔۔۔
سوال :۔۔۔۔۔۔بخاری شریف کی پہلی حدیث شریف کونسی ہے ؟؟
جواب :۔۔۔۔۔۔انما الاعمال بالنیات (اعمال کا مدار نیتوں پر ہے)
٭٭٭

روضہ رسول کے سامنے جھکنا منع ہے :۔۔۔۔۔۔
سوال :۔۔۔۔۔۔کیا روضہ رسول ؐ کے سامنے جھک سکتے ہیں ؟؟
جواب :۔۔۔۔۔۔رسول اللہ ؐ کی تعظیم انکی اطاعت میں ہے ،روضہ انور کا نہ طواف کرو ،نہ سجدہ کرو،نہ اتنا جھکنا کہ رکوع کے برابر ہوجائے۔
٭٭٭

عورتوں کا مزارات پر جانا :۔۔۔۔۔۔
سوال :۔۔۔۔۔۔کیا عورت کا مزار پر جانا جائز ہے یا نہیں ؟؟
جواب :۔۔۔۔۔۔اعلی حضرت فرماتے ہیں :یہ نہ پوچھو کہ عورت کا مزار پر جانا جائز ہے یا نہیں ،بلکہ یہ پوچھو، اس عورت پر کس قدر لعنت ہوتی ہے ،اللہ کی طرف سے ،اور کس قدر صاحب ِ قبر کی جانب سے۔۔۔۔۔۔سوائے روضہ انور کے کسی مزار پر جانے کی اجازت نہیں (ملفوظات اعلی حضرت )
٭٭٭

شرابی قیامت میں پیاسا ہوگا :۔۔۔۔۔۔
سوال: ۔۔۔۔۔۔جس نے شراب پی وہ قیامت کے دن کیسا ہوگا ؟؟
جواب :۔۔۔۔۔۔جس نے شراب پی، قیامت کے دن اسے پیاسا لایا جائے گا (مسند احمد )
٭٭٭

ملاقات کے وقت جھکنا منع ہے :۔۔۔۔۔۔
سوال:۔۔۔۔۔۔کیا ملاقات کے وقت جھکنا منع ہے ؟؟
جواب :۔۔۔۔۔۔جی ہاں ! ملاقات کے وقت جھکنا منع ہے (فتاوی عالمگیری )یعنی اتنا جھکنا کہ حد ِ رکوع ہو جائے (بہار شریعت )
٭٭٭
یہ حدیث ہے یا بزرگ کا قول :۔۔۔۔۔۔
سوال :۔۔۔۔۔۔آدمی اپنے دوست کے دین پر ہوتا ہے ،یہ حدیث ہے یا قول ؟؟
جواب :۔۔۔۔۔۔یہ حدیث ہے :آدمی اپنے دوست کے دین پر ہوتا ہے ،تم دیکھو کسے دوست بنا رہے ہو (جامع صغیر للسیوطی )
٭٭٭

حضرت اسماعیل علیہ السلام کی قبر مبارک کہاں ہے :۔۔۔۔۔۔
سوال :۔۔۔۔۔۔حضرت اسماعیل علیہ السلام کی قبر مبارک کہاں ہے ؟؟
جواب :۔۔۔۔۔۔آپ علیہ السلام کی قبر مبارک مسجد حرام میں حطیم کے پاس ہے (مرقاہ شرح مشکوۃ)
٭٭٭

ہر مہینے تین روزے رکھنا :۔۔۔۔۔۔
سوال :۔۔۔۔۔۔جس نے ہر مہینے تین روزے رکھے وہ کیسا ہے ؟؟
جواب :۔۔۔۔۔۔وہ ہمیشہ روزے رکھنے والے کی طرح ہے (ترمذی ،نسائی ،مسنداحمد )
٭٭٭

مزارات کے سامنے زمین چومنا :۔۔۔۔۔۔
سوال :۔۔۔۔۔۔ امام احمد رضا بریلوی فتاوی رضویہ میں مزارات کے متعلق کیا لکھتے ہیں ؟؟
جواب :۔۔۔۔۔۔آپ فرماتے ہیں :مزارات کو سجدہ کرنا ،یا ان کے سامنے زمین چومنا حرام ہے ،اور حد رکوع تک جھکنا ممنوع ہے ۔
٭٭٭

مخلوق کو عالم الغیب کہنا :۔۔۔۔۔۔
سوال :۔۔۔۔۔۔مخلوق کو عالم الغیب کہنا کیسا ہے ؟؟
جواب :۔۔۔۔۔۔علامہ غلام رسول سعیدی لکھتے ہیں ہمارے نزدیک رسول اللہ ؐ کےلئے علم غیب ثابت ہے ،مگر آپ پر عالم الغیب کا اطلاق جائز نہیں (تبیان القرآن ،ج
٣،ص ٤٧٥)اعلی حضرت فرماتے ہیں:مخلوق کو عالم الغیب کہنا مکروہ ہے (الامن والعلی)
٭٭٭

مصطفی ؐ سراپا خیر ہیں :۔۔۔۔۔۔
سوال :۔۔۔۔۔۔حدیث میں رسول اللہ ؐ نے اپنی زندگی اور وفات کے متعلق کیا فرمایا ہے ؟؟
جواب :۔۔۔۔۔۔میری حیات بھی تمہارے لیے خیر ہے ،او رمیری وفات بھی تمہارے لیے خیر ہے (الوفاء لابن الجوزی )
٭٭٭

قرات امام کے وقت خاموش رہنا چاہیے :۔۔۔۔۔۔
سوال :۔۔۔۔۔۔ جب امام آہستہ یا بلند آواز میں قرات کرے تو ہمیں کیا کرنا چاہیے ؟؟
جواب :۔۔۔۔۔۔حدیث میں ہے :جب امام قرات کرے ،تو خاموش رہو (شرح معانی الآثار )
٭٭٭

حضرت ابن عمر رضی اللہ عنھما کا عمل :۔۔۔۔۔۔
سوال :۔۔۔۔۔۔کیا حضرت عبد اللہ ابن عمر رضی اللہ عنھما امام کے پیچھے قرات کرتے تھے ؟؟
جواب :۔۔۔۔۔۔آپ رضی اللہ عنھما امام کے پیچھے قرات نہیں کرتے تھے (شرح معانی الآثار )
٭٭٭

ویل مچھلی یا ڈولفن یا کسی اور بڑی مچھلی کا ذکر حدیث میں :۔۔۔۔۔۔
سوال :۔۔۔۔۔۔ایک دفعہ صحابہ کرام کو سخت بھوک لگی تھی ،تو دریا نے ایک مری ہوئی، بڑی مچھلی باہر پھینکی تھی ،صحابہ نے اسے کتنے دن کھایا تھا ؟؟
جواب :۔۔۔۔۔۔حضرت جابر رضی اللہ عنہ فرماتے ہیں ہم نے آدھے مہینے تک اسکا گوشت کھایا (بخاری ،مسلم)
٭٭٭

کیا مصطفی ؐ نے مرغی کا گوشت کھایا :۔۔۔۔۔۔
سوال :۔۔۔۔۔۔کیا رسول اللہ ؐ نے کبھی مرغی کا گوشت کھایا ؟؟
جواب :۔۔۔۔۔۔حضرت ابو موسی اشعری فرماتے ہیں :میں نے رسول اللہ ؐ کو مرغی کا گوشت کھاتے دیکھا ہے (بخاری ،مسلم)
٭٭٭

تین بڑے گناہ :۔۔۔۔۔۔
سوال :۔۔۔۔۔۔صحیح مسلم کی حدیث میں تین بڑے گناہ کون کون سے بیان کیے گئے ہیں ؟؟
جواب :۔۔۔۔۔۔شرک کرنا ،والدین کی نافرمانی ،اور جھوٹی گواہی یا جھوٹ بولنا (صحیح مسلم)
٭٭٭

اللہ اور مصطفی ؐ کا علم برابر نہیں :۔۔۔۔۔۔
سوال :۔۔۔۔۔۔کیا اللہ اور رسول اللہ کا علم برابر ہے ؟؟
جواب :۔۔۔۔۔۔علامہ غلام رسول سعیدی فرماتے ہیں :ہمارے نزدیک اللہ تعالی اور رسول اللہ ؐ کے علم میں مساوات کا قول کرنا شرک ہے (تبیان القرآن ،ج
٣،ص ٥٠٠)
٭٭٭

اردو میںاہلسنت کی حدیث کی کتب :۔۔۔۔۔۔
سوال :۔۔۔۔۔۔اہلسنت کی تائید میں احادیث مبارکہ کس کس کتاب سے آسانی سے مل جائیں گی ؟؟
جواب :۔۔۔۔۔۔ڈاکٹر طاہر القادری صاحب کی جمع کردہ احادیث کی کتب میں ،جواس وقت تقریبا سو ہیں ۔
٭٭٭

اہلسنت کی تفاسیر :۔۔۔۔۔۔
سوال :۔۔۔۔۔۔اردو میں اہلنست کی مشہور تفاسیرکون کون سی ہیں ؟؟
جواب :۔۔۔۔۔۔تبیان القران ،
١٢جلدیں ،ضیاء القرآن،٥ جلدیں ،تفسیر الحسنات ،تفسیر نعیمی (١٩ پارے )،خزائن العرفان ،اجلد ،نور العرفان ،١جلد ،صراط الجنا ن ،٧جلدیںابھی مزید کام جاری ہیں۔
٭٭٭

اہلسنت کے مشہور اردو فتاوی :۔۔۔۔۔۔
سوال :۔۔۔۔۔۔اہلسنت کے مشہور اردو فتاوی کون کون سے ہیں ؟؟
جواب :۔۔۔۔۔۔فتاوی رضویہ ،
٣٣جلدیں ،فتاوی فیض رسول ،٣ جلدیں ،فتاوی فقہیہ ملت ،٢ جلدیں ،وقار الفتاوی ،فتاوی ملک العلماء ،فتاوی بریلی ،فتاوی افریقہ ،فتاوی یورپ ،تفہیم المسائل،انوار الفتاوی وغیرہ
٭٭٭

معلومات کا خزانہ :۔۔۔۔۔۔
سوال :۔۔۔۔۔۔چند ایسی کتابیں جن کو پڑھنے سے معلومات کا خزانہ ہاتھ آجائے ؟؟
جواب :۔۔۔۔۔۔امام غزالی کی احیاء العلوم ،کیمائے سعادت ،علامہ غلام رسول سعیدی صاحب کی شرح صحیح مسلم ،شرح صحیح بخاری ،اور تفسیر تبیان القران ،اور اعلی حضرت کا فتاوی رضویہ ،اور صدر الشریعہ مفتی امجد علی اعظمی صاحب کی بہارشریعت ۔
٭٭٭

امام غزالی کی کتابیں :۔۔۔۔۔۔
سوال :۔۔۔۔۔۔امام غزالی رحمۃ اللہ علیہ کی وہ کونسی کتابیں ہیں جنھیں پڑھ کردل بدلنے لگتا ہے ؟؟
جواب :۔۔۔۔۔۔احیاء العلوم ،کیمائے سعادت ، منھاج العابدین ۔
٭٭٭

یہ کس بزرگ کا کلام ہے :۔۔۔۔۔۔
سوال :۔۔۔۔۔۔مصطفی جان رحمت پے لاکھوں سلام یہ کس بزرگ کا کلام ہے ؟؟
جواب :۔۔۔۔۔۔یہ امام احمد رضا بریلوی رحمۃ اللہ علیہ کا مشہور کلام ہے
٭٭٭

کافر جو کام اللہ کی رضا کیلئے کرتا ہے اس کا ثواب :۔۔۔۔۔۔
سوال :۔۔۔۔۔۔کافر نے جو کام اللہ کی رضا کیلئے کرتا ہے ،کیا اس پر اسے ثواب ملے گا ؟؟
جواب :۔۔۔۔۔۔امام احمد رضا بریلوی فرماتے ہیں :کافر ،مشرک کا کوئی عمل اللہ تعالی کیلئے نہیں ہوسکتا ،کیونکہ کفر تو اللہ تعالی سے جاہل ہونے کا نام ہے ،جب وہ اللہ تعالی کو جانتا نہیں ،تو کیسے اس کیلئے عمل کرسکتا ہے (فتاوی رضویہ )
٭٭٭

کافروں کے میلوں میں شریک ہونا :۔۔۔۔۔۔
سوال :۔۔۔۔۔۔کیا کافروں کے میلوں میںمسلمانوں کو شریک ہونا جائز ہے ؟؟
جواب :۔۔۔۔۔۔کافروں کے میلوں میں مسلمانوں کو شریک ہونا منع ہے (فتاوی رضویہ )
٭٭٭

بدگمانی کیسا گناہ ہے :۔۔۔۔۔۔
سوال :۔۔۔۔۔۔بدگمانی کیسا گناہ ہے ؟؟
جواب :۔۔۔۔۔۔بدگمانی سب سے سخت تر جھوٹ اور اشد حرام ہے (فتاوی رضویہ )
٭٭٭

پانچ چیزوں کی حفاظت کیلئے اللہ کی شریعت ہے :۔۔۔۔۔۔
سوال :۔۔۔۔۔۔کتنی چیزوںکی حفاظت کیلئے اللہ تعالی کی شریعت ہے ؟؟
جواب :۔۔۔۔۔۔پانچ چیزون کی حفاظت کیلئے اللہ تعالی کی شریعت ہے ۔دین ،عقل،نسب،نفس ،او رمال (فتاوی رضویہ )
٭٭٭

اگر کامل یقین ہو تو :۔۔۔۔۔۔
سوال :۔۔۔۔۔۔اگر اللہ تعالی پر کامل یقین ہوتو کیسے رزق ملتا ہے ؟؟
جواب :۔۔۔۔۔۔حدیث میں ہے :اگر تم اللہ پر کامل بھروسہ کرو ،تو اللہ تعالی تمھیں ایسے رزق دے گا ،جیسے پرندوں کو دیتا ہے (ترمذی )
٭٭٭

وفات کے دن کو عید کہنا :۔۔۔۔۔۔
سوال :۔۔۔۔۔۔کیا بارہ ربیع الاول کو عید کہنا جائز ہے ،حالانکہ وہ رسول اللہ ؐ کی وفات کا دن ہے ؟
جواب :۔۔۔۔۔۔اس مسئلہ کو احادیث کی روشنی میں سمجھیں حدیث نمبر
١ :جمعہ حضرت آدم کی وفات کا دن ہے ،حدیث نمبر٢ :جمعہ کو اللہ نے مومنین کیلئے عید بنایا، ثابت ہوا، وفات کے دن کو عید کہنا جائز ہے ،وفات کے دن خوش ہونا ،اس کو بھی حدیث سے سمجھیں ،حدیث :جمعہ حضرت آدم کی وفات کا دن ہے ،حدیث :جمعہ کے دن غسل کرو،خوشبو لگاؤ ،نئے کپڑے پہنو ،خوشبوخوشی میں ہی لگائی جاتی ہے، اب آپ کے ذہن میں ہوگا ،وفات کے دن غم کیوں نہ کیا جائے ،تو یہ بھی حدیث میں ہے:موت مومن کیلئے تحفہ ہے ،حدیث میں ہے:سوگ تین دن ہے ۔
٭٭٭


سوال :۔۔۔۔۔۔قرآن پاک کی ایک سو چودہ سورتیں کس ترتیب سے نازل ہوئی ؟
جواب :۔۔۔۔۔۔متفق علیہ بات یہ ہے کہ سب سے پہلی مکی سورت (اقرأ باسم رَبِّکَ الذی خَلَقَ)ہے ، پھر (ن والقلم وَمَا یَسْطُرُونَ) ، پھرسورۃ المزمِّل، پھرَّ سورۃ المدَّثِّر،پھرسورۃ تبَّت،پھر (إِذَا الشَّمْسُ کُوِّرَتْ) ، پھر(سَبِّحِ اسْمِ رَبِّکَ الأَعْلَی) ،پھر (واللیل إِذَا یغشی) ،پھر(وَالفَجْرِ) ، پھر (وَالضُّحَی) ، پھر (أَلَمْ نَشْرَح) پھر (وَالعَصْرِ) ، پھر (وَالعَادِیَّاتْ) ، پھرالکوثر، پھر أَلہاکم، پھر أَرأَیت، (پھر الکافرون)پھر (أَلَمْ تَرَ کَیْفَ فَعَلَ) ، پھر الفلق، پھر الناس، پھر قل ہو اللہ أَحد، پھر (وَالنَّجْم) ، پھرعَبَس، پھرالقَدر، پھر (والشمس وَضُحَاہَا) ، پھر البروج، پھر(وَالتِّینِ) ، پھر (لإِیلاَفِ) ، پھر القارعۃ، پھر (لاَ أُقْسِمُ بِیَوْمِ القیامۃ) ،پھر(ویْلٌ لِّکُلِّ ہُمَزَۃٍ لُّمَزَۃٍ) ، پھر (وَالمُرْسِلاَتِ) ، پھر (ق والقرآن المجید) ، پھر (لاَ أُقْسِمُ بہاذا البلد) ، پھر(والسمآء والطارق) ، پھر(اقْتَرَبَتِ السَّاعَۃ) ، پھرص، پھر الأَعراف، پھر (قُلْ أُوْحِیَ) ،پھر یس، پھر الفرقان، پھر الملائکۃ، پھر مریم، پھر طہ، پھر الواقعۃ،پھر الشعراء ُ، پھر النمل، پھرالقَصَص، پھر بنی إِسرائیل، پھر یونس، پھر ہود، پھریوسف، پھر الحِجْر،پھر الأَنعام،پھرالصَّافَّات، پھر لقمان، پھر سبأ، (پھر الزمر) ، پھر المؤمن، پھر(حَم السجدۃ) ،پھر(حَم عسق) ، پھر الزخرف، پھرالدُّخَان، پھر الجاثیۃ، پھر الأَحقاف، پھر الذاریات، پھر الغاشیۃ، پھر الکہف، پھر النَّحل، پھر سورۃ نوح، پھر سورۃ إِبراہیم، پھر سورۃ الأَنبیاء ِ، پھر (قَدْ أَفْلَحَ الْمُؤْمِنُون) ، پھر (الم السَّجدۃ) ، پھر الطور، پھر (تبارک الملک) ، پھر الحاقَّۃ، پھر سأَل سائل، پھر (عَمَّ یَتَسَآء َلُون) ، پھر النازعات، پھر (إِذَا السمآء انفطرت) ، پھر (إِذَا السمآء انشقت) ، پھر الرُّوم، پھر العنکبوت، پھر المطفِّفین.
یہ پچاسی سورتیں ہیں جو مکہ میں نازل ہوئی

سب سے پہلے مدینہ میں سورت بقرہ نازل ہوئی ،
پھر سورۃ الأَنفال، پھر سورۃ آل عمران، پھر الأَحزاب، پھر الممتحِنۃ، پھر النساء ُ، پھر زلزلت، پھر الحدید، پھر سورۃ محمد صلَّی اللہ علیہ وسلم، پھر الرعد، پھر الرحمن، پھر (ہَلْ أتی عَلَی الإنسان) پھر الطلاق، پھر لم یکن، پھر الحشر، پھر إِذا جاء َ نصر اللہ، پھر النور؛ پھر الحج، پھر المنافقون، پھر المجادلۃ، پھر الحجرات، پھر المتحرِّم، پھر الجمعۃ، پھر التغابن، (پھر الصف) پھر الفتح، (پھر التوبۃ) ، پھر المائدۃ.
ان میں سورت فاتحہ کو ذکر نہیں کیا گیا ،کیونکہ اس میں اختلاف ہے ،وہ مکی ہے یا مدنی ،علماء نے فرمایا وہ دو بار نازل ہوئی ،ایک بار مکہ میں ،ایک بار مدینہ میں ۔
٭٭٭

عبد اللہ بن ابی کا نماز جنازہ :۔۔۔۔۔۔
سوال :رسول اللہ ؐ نے منافقین کے سردار کی بھی نماز پڑھا دی تھی ،پھر آج کا مولوی کیوں ہر جنازہ نہیں پڑھاتا ؟
جواب :۔۔۔۔۔۔رسول اللہ نے عبد اللہ بن ابی کی نماز جنازہ پڑھائی ،تو اس کے بعد یہ آیت نازل ہوئی تھی ،اس آیت کو آپ غور سے پڑھ لیں (وَلَا تُصَلِّ عَلَی أَحَدٍ مِنْہُمْ مَاتَ أَبَدًا وَلَا تَقُمْ عَلَی قَبْرِہِ ) اب ان منافقوں میں سے کوئی کبھی مر جائے تو ان کی نماز جنازہ نہ پڑھیں،نہ ہی ان کی قبر پر کھڑے ہوں (کیونکہ آپ کا قبر پرکھڑے ہونا بھی باعث برکت ہے)(التوبۃ :
٨٤
٭٭٭

علم غیب کے متعلق متفقہ عقیدہ :۔۔۔۔۔۔
سوال :۔۔۔۔۔۔علم غیب کے متعلق متفقہ عقیدہ کیا ہے ؟
جواب :۔۔۔۔۔۔علامہ تفتازانی لکھتے ہیں :علم ِ غیب ایسا امر ہے جس میں اللہ تعالی تنہاہے ،بندوں کیلئے اس کا کوئی راستہ نہیں ،سوائے یہ کہ اللہ کی طرف سے(غیب کی) اطلاع دی جائی، یا کسی (نبی)کو بطریق معجزہ الہام کیا جائے،یا کسی (ولی ) کو بطریق کرامت الہام کیا جائے، یاعلامات سے استدلال میں اسکی رہنمائی کی جائے ،جس میں استدلال ممکن ہو ،(جیسے کوئی چاند کے گرد ہالہ دیکھ کر کہہ دے کہ بارش ہوگی)
(شرح العقائد النسفیہ ،ص
٣٩٠،مکتبۃ البشری )
٭٭٭

ثبوت احکام و مسائل کیلئے درجہ حدیث:۔۔۔۔۔۔
سوال :احادیث سے عقائد و مسائل ثابت کرنے کیلئے حدیث کا درجہ کیا ہونا چاہیے؟؟
جواب :۔۔۔۔۔۔عقائد قطعیہ :کیلئے حدیث متواتر ،تواتر چاہے لفظی ہو یا معنوی ۔
عقائد ظنیہ کیلئے اخبار آحاد ہی کافی ہیں ۔
احکام کیلئے صحیح یا کم از کم حسن لغیرہ ہونی چاہیے
فضائل و مناقب میں بالاتفاق احادیث ضعیفہ بھی کافی ہیں
٭٭٭

ضعیف حدیث حسن ہو جاتی ہے :۔۔۔۔۔۔
سوال :۔۔۔۔۔۔کیا ضعیف حدیث ہی کسی طرح حسن ہو سکتی ہے ؟
جواب :۔۔۔۔۔۔جی ہاں ،جب حدیث ضعیف کثیر طرق سے مروی ہو تو وہ حسن لغیرہ ہو جاتی ہے
٭٭٭

بچپن میں امام بخاری کی بینائی :۔۔۔۔۔۔
سوال :۔۔۔۔۔۔کیا امام بخاری کی بچپن میں بینائی چلی گئی تھی ،اگرہاں ،تو پھر واپس کیسے آئی ؟
جواب :۔۔۔۔۔۔امام بخاری ؒ کی بھی بچپن میں بینائی چلی گئی تھی ،ان کی والدہ کو خواب میں حضرت ابراہیم علیہ السلام کی زیارت ہوئی،انھوں نے فرمایا :اللہ تعالی نے تمہارے بہ کثرت رونے اور بہت زیادہ دعا مانگنے کی وجہ سے تمہارے بیٹے کی بینائی لوٹا دی ہے ،صبح امام بخاری کی بینائی واپس آچکی تھی ،(سیر اعلام النبلاء ،ملخصا)
٭٭٭

مصطفی ؐ کس دن رخصت ہوئے :۔۔۔۔۔۔
سوال :۔۔۔۔۔۔رسول اللہ ؐ کس دن دنیا سے رخصت ہوئے ،اور کس دن دفن ہوئے،اور کیوں؟
جواب :۔۔۔۔۔۔رد المحتار میں ہے :امامت کبری کا نصب ہم واجبات میں سے ہے ، (یعنی ساری دنیا کے مسلمانوں کیلئے ایک امام کا انتخاب کرنا ،جس میں مخصوص شرائط پائی جاتی ہوں)اسی لیے امامت کو رسول اللہ ؐ کی تدفین پر مقدم کیا گیا ،رسول اللہ ؐ پیر کو فوت ہوئے ،منگل یا بد ھ کی رات کو دفن ہوئے ۔
٭٭٭

خلیفہ کی شرائط کیا ہیں :۔۔۔۔۔۔
سوال :۔۔۔۔۔۔خلیفہ یا امامت کبری کی شرائط کیا ہیں ؟
جواب :۔۔۔۔۔۔مسلمان ،آذاد ،مرد ،عاقل ،بالغ ،تنفیذ احکام پر قادر ،قریشی ہونا شرط ہے ۔ہاشمی ،علوی ،معصوم ہونا شرط نہیں ہے ۔در مختار میں ہے :و یشترط کونہ مسلما حرا ،ذکرا،عاقلا ،بالغا ،قادرا،قریشیا ،لا ھاشمیا ،علویا ،معصوما
٭٭٭

جماعت تراویح کا حکم :۔۔۔۔۔۔
سوال :۔۔۔۔۔۔تراویح کی جماعت کیا ہے ؟؟
جواب :۔۔۔۔۔۔در مختار میں ہے :تراویح کی جماعت سنت کفایہ ہے ۔
٭٭٭

شروح حدیث میں کتب فقہ کے خلاف مسئلہ :۔۔۔۔۔۔
سوال :۔۔۔۔۔۔بعض اوقات کتب شروح حدیث میں کتب فقہ کے خلاف مسئلہ ہوتا ہے ،تو اس وقت کتب فقہ کے مسئلہ پر عمل کیا جائے یا شروح حدیث والے پر ؟
جواب :۔۔۔۔۔۔کتب شروح حدیث میں جو مسئلہ کتب فقہ کے خلاف ہو وہ معتبر نہیں ہوتا (فتاوی رضویہ )
٭٭٭

جانور کے پتہ کا حکم :۔۔۔۔۔۔
سوال :۔۔۔۔۔۔جانور کے پتہ کا حکم کیسے معلوم کیا جا سکتا ہے ؟
جواب :۔۔۔۔۔۔ہر جاندار کا پتہ اس کے پیشاب کے حکم میں ہے ،مثلا آدمی کے پتہ نجاست غلیظہ ہے ،گھوڑے گائے کا نجاست خفیفہ (فتاوی رضویہ )
٭٭٭

بچہ جو دودھ گرائے اس کا حکم :۔۔۔۔۔۔
سوال :۔۔۔۔۔۔بچہ جو دودھ گراتاہے،کب ناپاک ہوتا ہے ؟
جواب :۔۔۔۔۔۔بچے کے معدہ تک دودھ پہنچ کر لوٹا ،اگر منہ بھر کر نکلا ،تو ناپاک ہے(فتاوی رضویہ )
٭٭٭

فراغت حیض کپڑے سے صاف کرنا :۔۔۔۔۔۔
سوال :۔۔۔۔۔۔حیض سے فراغت کے وقت خون کا اثر کپڑے سے صاف کرنا کیسا ہے ؟
جواب :۔۔۔۔۔۔بعد فراغ حیض پرانے کپڑے سے خون کا اثر صاف کرنا مستحب ہے(فتاوی رضویہ )
٭٭٭

پانی سے استنجے بعد یہ کر لیں :۔۔۔۔۔۔
سوال :۔۔۔۔۔۔کیا پانی سے استنجے کے بعد بھی کپڑے سے خشک کرنا چاہیے ؟
جواب :۔۔۔۔۔۔پانی سے استنجے کے بعد کپڑے سے خوب صاف کر لینا مستحب ہے ،کپڑا نہ ہو تو بار بار بائیں ہاتھ سے خشک کریں ،یہاں تک کہ خشک ہو جائے۔(فتاوی رضویہ )
٭٭٭

استنجا کا طریقہ :۔۔۔۔۔۔
سوال :۔۔۔۔۔۔استنجے کا طریقہ کیا ہے ؟
جواب :۔۔۔۔۔۔جب پاخانے سے استنجاء پانی کے ذریعہ کرنا ہو تو جہاں تک ہو سکے ،کشادہ ہو کر اپنے کو پورے طور پر ڈھیلا کر کے بیٹھے ،تاکہ اندر رہ جانے والی نجاست ظاہر ہو جائے ،بڑے استنجے میں سنت یہ ہے کہ خوب پاؤں کو پھیلا کر بیٹھے اور سانس سے نیچے کو زوردے(فتاوی رضویہ )
٭٭٭

نقش والی انگوٹھی بیت الخلامیں لے جانا :۔۔۔۔۔۔
سوال :۔۔۔۔۔۔نقش والی انگوٹھی بیت اللہ خلا میں لے جانا کیسا ہے ؟
جواب :۔۔۔۔۔۔جب انگشتری پر کچھ لکھا ہوا ہو ،اسے پہن کر بیت الخلاء میں جانا مکروہ ہے(فتاوی رضویہ )
٭٭٭

تعویذ بیت الخلا میں لے جانا :۔۔۔۔۔۔
سوال :۔۔۔۔۔۔کیا تعویذ پہن کر بیت الخلا میں جا سکتے ہیں ؟
جواب :۔۔۔۔۔۔غلاف کے اندر تعویذ ہو تو ،بیت الخلاء جاسکتے ہیں ،اور بچنا بہتر ہے (فتاوی رضویہ )
٭٭٭

صرف شلوار یا پتلون میں نماز پڑھنا :۔۔۔۔۔۔
سوال :۔۔۔۔۔۔صرف شلوار میں نماز پڑھنا کیسا ہے ؟
جواب :۔۔۔۔۔۔خالی پاجامہ میں نماز پڑھنا مکروہ تحریمی ہے(فتاوی رضویہ )
٭٭٭

غریب رشتہ دار چھوڑ کر باہر صدقہ کرنا :۔۔۔۔۔۔
سوال :۔۔۔۔۔۔غریب رشتہ دار چھوڑ کر غیروں کو صدقہ کرنا کیسا ہے ؟
جواب :۔۔۔۔۔۔جس کے عزیز محتا ج ہوں ،اسے منع ہے ،کہ انھیں چھوڑ کر غیروں کو اپنے صدقات دے ،حدیث میں فرمایا :ایسے کا صدقہ نہ ہوگا اور اللہ تعالی روز قیامت اس کی طرف نظر نہ فرمائے گا (فتاوی رضویہ )
٭٭٭

رشتہ داروں سے محبت :۔۔۔۔۔۔
سوال :۔۔۔۔۔۔کیارشتہ داروں سے اچھا سلوک کرنے والا ہر شخص نیک ہی ہوتا ہے ؟
جواب :۔۔۔۔۔۔صلہ رحم اور اپنے اقرباء کی مواسات عمدہ حسنات سے ہے ،مگر اگر نیت لوجہ اللہ نہ ہو، بلکہ خون کی شرکت اور طبعی محبت کا تقاضا ہو، تو اس سے عند اللہ کچھ فائدہ نہیں(فتاوی رضویہ )
٭٭٭

صرف شلوار پہن کر باہر نکلنے والا :۔۔۔۔۔۔
سوال :۔۔۔۔۔۔صرف شلوار پہن کر باہر نکلنے والا کیسا ہے ؟
جواب :۔۔۔۔۔۔تنہا پاجامہ پہن کر راہ میں نکلنے والا ساقط العدالۃ اور مردود الشھادہ ہے (فتاوی رضویہ )
٭٭٭

کھانے کے بعد کاغذ سے ہاتھ صاف کر نا :۔۔۔۔۔۔
سوال :۔۔۔۔۔۔کھانے کے بعد کاغذ سے ہاتھ صاف کرنا کیسا ہے ؟
جواب :۔۔۔۔۔۔کھانے کے بعد کاغذ سے ہاتھ پونچھنا نہیں چاہیے (فتاوی رضویہ )
٭٭٭
مٹی کے برتن کی فضیلت :۔۔۔۔۔۔
سوال :۔۔۔۔۔۔کھانے پینے کے برتن مٹی کے ہوں ،کیا اسکی کچھ فضیلت ہے ؟
جواب :۔۔۔۔۔۔کھانے پینے کے برتن مٹی کے ہونا افضل ہے ،کہ اس میں نہ اسراف ہے نہ اترانا ،اور حدیث میں ہے ،جو اپنے گھر کے برتن مٹی کے رکھے گا، فرشتے اس کی زیارت کریںگے ،اور تانبے اور دانگ کے برتن بھی جائز ہیں (فتاوی رضویہ )
٭٭٭

دانت چاندی کی تار سے باندھنا :۔۔۔۔۔۔
سوال :۔۔۔۔۔۔کیا دانت چاندی کی تار سے باندھنا جائز ہے ؟
جواب :۔۔۔۔۔۔ہلتا ہوا دانت چاندی کے تار سے باندھنا یا مسالے سے جمانا جائز ہے(فتاوی رضویہ )
٭٭٭

سید احمد خان کیسے شخص تھے
سوال :۔۔۔۔۔۔سرسید احمد خان کیسے شخص تھے ؟
جواب:۔۔۔۔۔۔سرسید کی دوسری خدمات اپنی جگہ ،مگر عقائد میں انکی پیروی کرنے والا سخت گمراہ ہو جائے گا
٭٭٭

فھم قرآن کیلئے تھوڑی سی عربی گرائمر :۔۔۔۔۔۔
سوال :۔۔۔۔۔۔کیا اگر ہر شخص تھوڑی سی عربی گرائمر سیکھ لے ،توقرآن کریم کو خود سمجھ سکتا ہے ؟
جواب :۔۔۔۔۔۔گر یہ بات درست ہوتی تو عرب کا بچہ بچہ قرآن کا عالم ہوتا ،مگر حقیقت اس کے برخلاف ہے،کیونکہ عرب کے عوام بھی قرآن کی تفسیر علماء کرام سے پوچھتے ہیں ۔
٭٭٭

رات کو ہیٹر چلا کر سونا :۔۔۔۔۔۔
سوال :۔۔۔۔۔۔کیا رات کو سوتے وقت گیس ہیٹر بند کرنا ضروری ہے ؟
جواب :۔۔۔۔۔۔حدیث میں ہے:(لاتترکو ا النار فی بیوتکم ،حین تنامون) جب سونے لگو ،تو گھروں میں آگ نہ چھوڑو ۔
٭٭٭

کسی کا پالتو کبوتر پکڑ لینا :۔۔۔۔۔۔
سوال :۔۔۔۔۔۔کسی کا پالتو کپوتر اگر پکڑ لیا ،تو کیا ہم اس کے مالک بن جائیں گے ؟
جواب :۔۔۔۔۔۔جنگلی کبوتروں میں پالتوکبوتر مل گیا ،تو اب بھی پالتوکبوتر کو پکڑنا جائز نہیں ،اور اگر پکڑ ہی لیا تو مالک کو تلاش کر کے دینا لازمی ہے ،بلکہ اگر باز وغیرہ پکڑا، اس کے پاؤں میں کوئی پازیب وغیرہ ہے ،جس سے معلوم ہو جاتا ہو کہ یہ کسی کا ہے ،تو اس کا بھی مالک تلاش کرنا ضروری ہے ۔
٭٭٭

کیا مصافحہ کرنا سنت ہے :۔۔۔۔۔۔
سوال :۔۔۔۔۔۔کیا مصافحہ کرنا سنت ہے ؟
جواب :۔۔۔۔۔۔در مختار ،رد المحتار ،جامع الرموز ،مجمع الانھر ،وغیرہ میں ہے ،دونوں ہاتھوں سے مصافحہ کرنا سنت ہے
٭٭٭

اصحاب صُفَّہ :۔۔۔۔۔۔
سوال :۔۔۔۔۔۔اصحاب صفہ کن کو کہتے ہیں ؟
جواب :۔۔۔۔۔۔صحابہ کرام کی ایک جماعت مسجد نبوی ؐ میں ہمہ وقت مصروف ِ عبادت رہتی تھی اور انہوں نے کسب ِ معاش سے کنارہ کشی اختیار کر رکھی تھی ،اللہ تعالی نے اپنے نبی ؐ کو ان کی طرف خصوصی توجہ فرمانے کا حکم دیا : (وَلَا تَطْرُدِ الَّذِینَ یَدْعُونَ رَبَّہُمْ بِالْغَدَاۃِ وَالْعَشِیِّ یُرِیدُونَ وَجْہَہُ)ترجمہ:۔۔۔۔۔۔آپ ان( شکستہ دل) لوگوں کو اپنے سے دور نہ کیجیے ،جو صبح شام اپنے رب کو صرف اس کی رضا کیلئے پکارتے ہیں (وہ فقراء ہیں انھیں کوئی دنیاوی غرض نہیں )(الانعام :
٥٢)(کشف المحجوب )
٭٭٭

بسم اللہ سے پہلے :۔۔۔۔۔۔
سوال :۔۔۔۔۔۔رسول اللہ ؐ بسم اللہ الرحمن الرحیم کے نزول سے پہلے کیا لکھتے تھے ؟
جواب :۔۔۔۔۔۔حضور نبی اکرم ؐ خطوط کے شرو ع میں(بِاسْمِک اللَّہُمَّ )لکھواتے تھے ،یہاں تک کہ یہ آیت نازل ہوئی (بِسْمِ اللَّہِ مَجْراہا وَمُرْساہا)،تو آپ ؐ نے (بسم اللہ) لکھوانا شروع کر دیا ،پھر یہ آیت نازل ہوئی (قُلِ ادْعُوا اللَّہَ أَوِ ادْعُوا الرَّحْمن)،تو آپ ؐنے (بسم اللہ الرحمن) لکھوانا شروع کر دیا ،پھر قرآن میں حضرت سلیمان علیہ السلام والا قصہ نازل ہوا، (إِنَّہُ مِنْ سُلَیْمانَ وَإِنَّہُ بِسْمِ اللَّہِ الرَّحْمنِ الرَّحِیمِ)تو آپ ؐ( بسم اللہ الرحمن الرحیم) لکھوانی شروع کر دی ۔
٭٭٭

روزے کتنی عمر سے رکھوایا جائے :۔۔۔۔۔۔
سوال:۔۔۔۔۔۔بچے کو کتنے سال کی عمر میں روزے کا حکم دینا چاہیے؟
جواب :۔۔۔۔۔۔بچّہ جیسے(ہی ) آٹھویں سال میں قدم رکھے، اس کے ولی پر لازم ہے کہ اسے نماز روزے کا حکم دے،اور جب اُسے گیارہواں (سال )شروع ہوتو ولی پر واجب ہے کہ صوم و صلوۃ پر مارے ،بشرطیکہ روزے کی طاقت ہو اور روزہ ضرر نہ کرے(یعنی تکلیف نہ دے )(فتاوی رضویہ ،ج
١٠،م١٦٢)
٭٭٭

شرعی مسافر روزہ رکھے یا افطار کرے :۔۔۔۔۔۔
سوال :۔۔۔۔۔۔شرعی مسافر روزہ رکھے یا ترک کرے ؟؟
جواب:۔۔۔۔۔۔ویندب الصوم ان لم یضرہ فان شق علیہ او علی ر فیقہ فالفطر افضل لمو افقۃ الجماعۃاگر اسے روزہ تکلیف نہ دے تو روزہ رکھنا مستحب ہے، اور اگر روزہ(اس کیلئے ) مشکل ہو یا اس کے ساتھی پر مشکل ہو تو پھر جماعت کی موافقت میں افطار(کرنا) افضل ہے(درمختار)
(فتاوی رضویہ ،ج
١٠،م١٦٤)
٭٭٭

موسم کی تبدیلی :۔۔۔۔۔۔
سوال :۔۔۔۔۔۔موسم کس وجہ سے تبدیل ہوتے ہیں ؟؟
جواب:۔۔۔۔۔۔موسموں کی تبدیلی خالق عزوجل نے گردشِ آفتاب پر رکھی ہے
مثلاً تحویلِ برج حمل سے ختمِ جوز ا تک فصل ربیع ہے
پھر تحویل سرطان سے ختمِ سنبلہ تک گرمی، پھر تحویلِ میزان سے ختمِ قوس تک خریف
پھر تحویل جدی سے ختمِ حوت تک جاڑا
یہ آفتاب کا ایک دَور ہے کہ تقریباً
٣٦٥دن اور پونے چھ گھنٹے میں پُورا ہوتاہے
(فتاوی رضویہ ،ج
١٠،م١٦٥)
٭٭٭

سورج کا چکر:۔۔۔۔۔۔
سوال :۔۔۔۔۔۔سورج اپنا چکرکتنے عرصے میں مکمل کرتا ہے ؟؟
جواب:۔۔۔۔۔۔آفتاب کا ایک دَور تقریباً
٣٦٥دن اور پونے چھ گھنٹے میں پُورا ہوتاہے،یعنی ٣٦٥ دن اور تقریبا دن کا چوتھا حصہ (فتاوی رضویہ ،ج١٠،م١٦٥)
٭٭٭

قمری سال کی مقدار :۔۔۔۔۔۔
سوال:۔۔۔۔۔۔اسلامی مہینے میں اعتبار سورج کا ہے یا چاند کا ،قمری مہینہ و سال کی مقدار کیا ہو سکتی ہے ؟؟
جواب :۔۔۔۔۔۔عربی شرعی مہینے قمری ہیں یعنی ہلال سے شروع ہوتے ہیں اور
٢٩یا ٣٠ دن میں ختم ہوتے ہیں،یہ بارہ مہینے یعنی قمری سال٣٥٤ یا٣٥٥ دن کا ہوتا ہے (یعنی )شمسی سال سے دس گیارہ دن چھوٹا ہے۔
(فتاوی رضویہ ،ج
١٠،م١٦٥)
٭٭٭

رمضان کبھی گرمی میں کبھی سردی میں آخر کیوں؟
سوال:۔۔۔۔۔۔یہ کیا وجہ ہے کہ قمری مہینوں میں موسم تبدیل ہوتا ہے ،شمسی میں نہیں یعنی گرمی ہمیشہ مئی ،جون میں ہی ہوتی ہے ،جبکہ رمضان کبھی سردی میں اورکبھی گرمی میں آتا ہے، اس کی کیا وجہ ہے ؟؟
جواب:۔۔۔۔۔۔نصارٰی جنہوں نے سال وماہ سب شمسی لیے ہیں ، اگر یہ لوگ چوتھے سال ایک دن بڑھا کر فروری
٢٩کا نہ کرتے، تو اُن کو بھی یہی صورت پیش آتی کہ کبھی جُون کا مہینہ سردیوں میں ہوتا اور دسمبر گرمیوں میں، اس لیے کہ انھوں نے سال٣٦٥ دن کا لیا اور آفتاب کا چکر ابھی چند گھنٹے بعد پُورا ہوگا کہ جس کی مقدار تقریباً چھ گھنٹے ہے۔
اس کو یوں سمجھیے پہلا سال دورہ آفتاب سے
٦گھنٹے پہلے ختم ہوا، دوسرا سال ١٢گھنٹے پہلے، تیسرا سال ١٨گھنٹے پہلے، چوتھا سال تقریباً ٢٤گھنٹے، اور ٢٤گھنٹے کا ایک دن رات ہوتا ہے، لہذا ہر چوتھے سال فروری میں ایک دن بڑھا دیا اورفروری ٢٩ کا کر دیا ،تاکہ دورہ آفتاب سے مطابقت رہے۔
لیکن دورہ آفتاب پُورے چھ گھنٹے زائد نہ تھا بلکہ تقریباً پونے چھ گھنٹے، توچوتھے سال پورے گھنٹے کا فرق نہ پڑا تھا بلکہ تقریباً
٢٣گھنٹے کا اور بڑھالیا ایک ایک کہ ٢٤گھنٹے ہے،تو یوں ہر سال میں شمسی سال دورہ آفتاب سے کچھ کم ایک گھنٹہ بڑھے گا، سَوبرس بعد تقریباً ایک دن، لہذا صدی بعدایک دن گھٹا کر پھر فروری ٢٨دن کا کر لیا، اسی طرح اور دقیق کسرات کا حساب ہے
واﷲتعالیٰ اعلم
(فتاوی رضویہ ،ج
١٠،م١٦٥،خلاصہ مع اضافہ )
٭٭٭

چھوٹی و بڑی عید پر روزہ منع کیوں ؟:۔۔۔۔۔۔
سوال :۔۔۔۔۔۔چھوٹی و بڑی عید پر روزہ رکھنا کیوں منع ہے ؟؟
الجواب: یہ دن اﷲعزوجل کی طرف سے بندوں کی دعوت کے ہیں
(فتاوی رضویہ ،ج
١٠،م١٦٨)
٭٭٭

رمضان و غیر رمضان کی نیکی میں فرق :۔۔۔۔۔۔
سوال:۔۔۔۔۔۔رمضان و غیر رمضان میں ثواب برابر ہے یا کچھ فرق ہے ؟؟
جواب :۔۔۔۔۔۔حدیث شریف میں ہے ـ:من تقرب فیہ بخصلۃ من الخیر کان کمن ادی فریضۃ فیما سواہ، ومن ادی فیہ فریضۃ کان کمن ادی سبعین فریضۃ فیما سواہ (رواہ ابن خزیمۃ والبیہقی)جس نے رمضان میں کوئی نفلی نیکی کاکام کیا اسے اس شخص جیسا ثواب ملے گا جس نے ر مضان کے علاوہ میں فرض ادا کیا، اور جس نے اس میں فرض ادا کیا وہ اس شخص کی طرح ہے جس نے رمضان کے علاوہ میں ستّر فرض اداکئے
(فتاوی رضویہ ،ج
١٠،م١٦٩)
٭٭٭

جو کہے میں عالم ہوں وہ جاہل ہے :۔۔۔۔۔۔
سوال :۔۔۔۔۔۔حدیث میں ہے جس نے کہا میں عالم ہوں ،وہ جاہل ہے ،پھر مولوی خود کو کیوں کہتے ہیں ،ہم علماء ہیں ؟
جواب :۔۔۔۔۔۔بے شک حدیث میں ہے:ـ(مَنْ قالَ اَنَا عَالِمٌ،فَھُوَجَاہِلٌ)جس نے کہا: میں عالم ہوں وہ جاہل ہے (رواہ الطبرانی فی الاوسط،رقم الحدیث :
٦٨٤٢)اگر آپ صرف اسی حدیث کو پڑھ کر فتوے لگانا شروع کردیں ،تو معاذ اللہ آپ کے فتوے کی زد میں یوسف علیہ السلام بھی آجائیں گے ، کیونکہ انھوں نے خود فرمایا :(إِنِّی حَفِیظٌ عَلِیمٌ)بے شک میں حفاظت کرنے والا اور عالم ہوں(یوسف:٥٥)علماء کرام ہر چیز کو مد نظر رکھ کربڑی احتیاط سے فتوی دیتے ہیں ،اس لیے یہ کام علماء کرام ہی پاس رہنے دینا چاہیے ،اب دیکھیے علماء کرام نے اس حدیث کے متعلق کیا ارشاد فرما یا ہے :امام احمد رضا خان بریلوی اس حدیث کے متعلق لکھتے ہیں ،اپنے آپ کوعالم بر سبیل تفاخر کہنا حرام ہے ،ورنہ جائز (فتاوی رضویہ ،ج٢١،ص٣٧٥)
٭٭٭

محمد بن عبد الوہاب کیسے انسان تھے :۔۔۔۔۔۔
سوال :۔۔۔۔۔۔محمد بن عبد الوہاب نجدی کیسے انسان تھے ؟
جواب :۔۔۔۔۔۔علامہ ابن عابدین شامی رحمۃ اللہ علیہ نے جو لکھا ہے وہ ملاحظہ فرمائیں :خوارج ایسے ہی ہوتے ہیں ،جیسے ہمارے زمانے میں عبد الواب کی اتباع میں لوگ نجد سے نکلے اور حرمین پر قابض ہو گئے ،عبد الوہاب نجدی اور ان کے متبعین یہ عقیدہ رکھتے تھے کہ وہی صحیح مسلمان ہیں ،جو بھی ان سے مخالف عقیدہ رکھتا ہے وہ مشرک ہے۔(رد المحتار )
٭٭٭

اونٹ کو تین جگہ سے ذبح کرنا :۔۔۔۔۔۔
سوال :۔۔۔۔۔۔کیا اونٹ کو تین جگہ سے ذبح کرنا چاہیے ؟
جواب :۔۔۔۔۔۔عوام میں یہ مشہور ہے کہ اونٹ کو تین جگہ سے ذبح کیا جاتا ہے ،یہ غلط ہے، اور یوں کرنا مکروہ ہے کیونکہ بلا فائدہ ایذا دینا ہے(ماخوذ از،بہارشریعت ،مولاناامجد علی اعظمی ،حصہ
١٥،ص٣١٢)
٭٭٭

اونٹ ذبح کرنے کاسنت طریقہ :۔۔۔۔۔۔
سوال :۔۔۔۔۔۔کیا گائے اوراونٹ کے ذبح کرنے میں کچھ فرق ہے ؟
جواب :۔۔۔۔۔۔اونٹ کو نحر کرنا سنت ہے۔۔۔۔۔۔یعنی حلق کے آخری حصہ میں نیزہ وغیرہ بھونک کر رگیں کاٹ دینے کو نحر کہتے ہیں۔۔۔۔۔۔اور گائے بکری وغیرہ کو ذبح کرنا سنت ہے
(ماخوذ از،بہارشریعت ،مولاناامجد علی اعظمی ،حصہ
١٥،ص٣١٢)
٭٭٭

ذبح کے وقت کاٹی جانے والی رگیں :۔۔۔۔۔۔
سوال :۔۔۔۔۔۔ذبح کے وقت کتنی اور کونسی رگیں کاٹی جاتی ہیں ؟
جواب :۔۔۔۔۔۔جو رگیں ذبح میں کاٹی جاتی ہیں وہ چار ہیں۔حلقو ؔ م یہ وہ ہے جس میں سانس آتی جاتی ہے، مریؔ اس سے کھانا پانی اترتا ہے ان دونوں کے اغل بغل اور دو رگیں ہیں، جن میں خون کی روانی ہے ان کو ود جین کہتے ہیں۔ (درمختار)
٭٭٭

کندچھری سے ذبح کرنا :۔۔۔۔۔۔
سوال :۔۔۔۔۔۔کند چھری سے ذبح کرنا کیسا ہے ؟
جواب :۔۔۔۔۔۔کند چھری سے بھی ذبح کرنا مکروہ ہے۔(درمختار)
٭٭٭

چھری کب تیز کی جائے :۔۔۔۔۔۔
سوال :۔۔۔۔۔۔چھری کب تیز کی جائے لٹانے سے پہلے یا بعد ؟
جواب :۔۔۔۔۔۔مستحب یہ ہے کہ جانور کو لٹانے سے پہلے چھری تیز کر یں اور لٹانے کے بعد چھری تیز کرنا مکروہ ہے
(بہارشریعت ،مولاناامجد علی اعظمی ،حصہ
١٥،ملخصا)
٭٭٭

جانور کو گھسیٹ کر لے جانا :۔۔۔۔۔۔
سوال :۔۔۔۔۔۔بعض لوگ جانور کو گھسیٹ کر ذبح خانے تک لے جاتے ہیں ،ایسا کرنا کیسا ہے ؟
جواب :۔۔۔۔۔۔جانور کو پاؤں پکڑ کر گھسیٹتے ہوئے ذبح خانے کو لے جانا مکروہ ہے۔(درمختار)
٭٭٭

ذبح کرتے ہوئے سر جدا کر دیا :۔۔۔۔۔۔
سوال :۔۔۔۔۔۔اگر کسی نے ذبح کرتے ہوئے جانور کو سر جدا کر دیا ،تو کیا سر کا کھانا مکروہ ہو جائے گا ؟
جواب :۔۔۔۔۔۔عام لوگوں میں یہ مشہور ہے کہ ذبح کرنے میں اگر سر جدا ہوجائے، تو اس سر کا کھانا مکروہ ہے یہ کتب فقہ میں نظر سے نہیں گزرا، بلکہ فقہا کا یہ ارشاد کہ ذبیحہ کھایا جائے گا اس سے یہی ثابت ہوتا ہے کہ سر بھی کھایا جائے گا(بہارشریعت ،مولاناامجد علی اعظمی ،حصہ
١٥،ملخصا)
٭٭٭

جانور کی کھال کب اتارنی چاہیے :۔۔۔۔۔۔
سوال :۔۔۔۔۔۔جانور کی کھال کب اتارنی چاہیے ؟
جواب :۔۔۔۔۔۔جانور میں ابھی جان باقی ہو ،ٹھنڈا ہونے سے پہلے اسکی کھال اتارنا مکروہ ہے ،ہر وہ فعل جس سے جانور کو بلاوجہ تکلیف پہنچے مکروہ ہے (بہارشریعت )
٭٭٭

جانور کا منہ قبلہ کو کرنا :۔۔۔۔۔۔
سوال :۔۔۔۔۔۔ذبح کے وقت جانور کا منہ قبلہ کی طرف نہ کرنا کیسا ہے ؟
جواب :۔۔۔۔۔۔سنت یہ ہے کہ ذبح کرتے وقت جانور کا منہ قبلہ کو کیا جائے اور ایسا نہ کرنا مکروہ ہے۔ (درمختار)
٭٭٭

عورت کا ذبیحہ:۔۔۔۔۔۔
سوال :۔۔۔۔۔۔عورت کے ذبیحہ کا حکم کیا ہے ؟
جواب :۔۔۔۔۔۔ذبح میں عورت کا وہی حکم ہے جو مرد کا ہے یعنی مسلمہ یا کتابیہ عورت کا ذبیحہ حلال ہے اور مشرکہ و مرتدہ کا ذبیحہ حرام ہے۔ (عالمگیری)
٭٭٭

بھاگے ہوئے بڑے جانور کو ذبح کرنے کا آسان طریقہ :۔۔۔۔۔۔
سوال :۔۔۔۔۔۔قربانی کا جانور بھاگ جائے،پکڑا نہ جائے تو کیا کیا جائے ؟
جواب :۔۔۔۔۔۔بیل ،گائے ،اونٹ وغیرہ اگر آبادی یا جنگل میں بھاگ جائیں تو ذبح اضطراری جائز ہے ،ذبح اضطراری کا مطلب یہ ہے کہ :۔۔۔۔۔۔ بسم اللہ پڑھ کر ذبح کی نیت سے دور سے ہی تیر یا نیزہ ماردیا جائے ،اس کے لیے تیریا نیزہ گردن میں مارنابھی ضروری نہیں ،جہاں لگ جائے ۔
بکری اگرمیدان میں بھاگ گئی تو ذبح اضطراری جائز ہے آبادی میں بھاگ گئی تو جائز نہیں ،کیونکہ پکڑی جا سکتی ہے ۔
(بہارشریعت ،مفتی امجد علی اعظمی ،حصہ
١٥،خلاصہ مع اضافہ )
٭٭٭

گائے کو ذبح کیا پیٹ سے بچا نکلا :۔۔۔۔۔۔
سوال :۔۔۔۔۔۔گائے کوذبح کیا اس کے پیٹ سے بچہ نکلا اس کیلئے شرعی حکم کیا ہے ؟
جواب :۔۔۔۔۔۔گائے یا بکری ذبح کی اور اس کے پیٹ میں بچہ نکلا ،اگر وہ زندہ ہے ،تو اسے ذبح کر دیا جائے، بچہ حلال ہو جائے گا اوراگر مرا ہوا ہے تو حرام ہے، اس کی ماں کا ذبح کرنا اس کے حلال ہونے کے لیے کافی نہیں۔ (درمختار وغیرہ)
٭٭٭

کھال اجرت میں قصائی کو دینا :۔۔۔۔۔۔
سوال :۔۔۔۔۔۔کیا کھال قصائی کو اجرت میں دے سکتے ہیں ؟
جواب :۔۔۔۔۔۔قربانی کا چمڑا اور گوشت ذبح کرنے والے کو اُجرت میں نہیں دے سکتے کہ اس کو اُجرت میں دینا بھی بیچنے ہی کے معنی میں ہے۔
(الہدایہ ،کتاب الاضحیۃ)
٭٭٭

نماز کے بعد بلند آواز سے ذکر :۔۔۔۔۔۔
سوال :۔۔۔۔۔۔اگر کوئی بقیہ نماز پڑھ رہا ہوتو کیا کرنا چاہیے ؟
جواب :۔۔۔۔۔۔اگر وہاں کوئی شخص نما ز۔۔۔۔۔۔۔۔۔۔۔۔میں ہے تو اتنی آواز بلند نہ ہو کہ اسے تشویش وایذاہو
(فتاوی افریقہ ،مسئلہ نمبر
٤٣،ملخصا)
٭٭٭

کافر جو کام اللہ کی رضا کیلئے کرے اس کا ثواب :۔۔۔۔۔۔
سوال:۔۔۔۔۔۔کافر نے اللہ کی رضا کے لیے جو کام کیے ،کیا اس پر اسے ثواب ملے گا ؟
جواب :۔۔۔۔۔۔امام احمد رضا بریلوی فرماتے ہیں،کافر مشرک کا کوئی عمل اﷲ کے لیے نہیں ہوسکتا ،فان الکفر ھو الجہل باﷲ فاذا جہلہ فکیف یعمل لہ(کیونکہ کفرتو اللہ سے جاہل ہونے کا نام ہے ،جب وہ اللہ تعالی کو نہیں جانتا تو کیسے اس کے لیے عمل کر سکتا ہے)(فتاوی رضویہ ،جلد
٢١،ص١٢٠،ملخصا)
٭٭٭

یہ حدیث ہے یا قول :۔۔۔۔۔۔
سوال :۔۔۔۔۔۔انّ اﷲ خلق آدم علی صورتہ ( بے شک اللہ تعالی نے آدم کو اپنی صورت پر پیدا کیا ) آپ سے یہ عرض ہے یہ حدیث ہے یا قول ہے،اور اس کا معنی کیا ہے؟
الجواب : یہ حدیث صحیح ہے اور اضافت شرف کے لیے ہے، جیسے بیتی ( میرا گھر ) اور ناقۃ اﷲ ( اللہ کی اونٹنی)یا ضمیر آدم کی طرف ہے یعنی آدم کو ان کی کامل صورت پر بنایا تھا ۔ طولہ ستّون ذراعا(بخاری ،مسلم) ان کا قد (پیدائش کے وقت ہی )ساٹھ ہاتھ تھا ، بخلاف اولادِ آدم (کیونکہ حضرت آدم کی اولاد کا ) بچہ چھوٹا پیدا ہوتا ،پھر بڑھ کر اپنے کامل قد (پانچ یا چھ فٹ )کو پہنچتا ہے۔ واللہ تعالی اعلم
(فتاوی رضویہ ،ج
٢٧،ص٤٢،ملخصا)
٭٭٭

مسواک کی جگہ ٹوتھ پیسٹ :۔۔۔۔۔۔
سوال :۔۔۔۔۔۔کیا ٹوتھ پیسٹ سے مسواک کی سنت ادا ہو جائے گی ؟
جواب :۔۔۔۔۔۔مسواک کے دو پہلو ہیں
(
١)۔۔۔۔۔۔صفائی،ستھرائی (٢)۔۔۔۔۔۔وہ آلہ جس سے دانتوں کی صفائی کی جائے
دوسری سنت اسی وقت ادا ہوگی جب مسواک مخصوص لکڑی کی ہوگی ۔
٭٭٭

عاشورہ کے دن قیامت :۔۔۔۔۔۔
سوال :۔۔۔۔۔۔کیا قیامت عاشورہ کے دن آئے گی ؟؟
جواب :۔۔۔۔۔۔غنیۃ الطالبین میں ہے :قیامت عاشورہ کے دن قائم ہو گی
٭٭٭

نیل پالش کا استعمال :۔۔۔۔۔۔
سوال :۔۔۔۔۔۔کیا نیک پالش کا استعمال جائز ہے ؟؟
جواب :۔۔۔۔۔۔اگر نیل پالش کے اجزائے ترکیبی میں کوئی حرام یا ناپاک چیز شامل نہیں ہے ،تو اس کا استعمال جائز ہے ،لیکن نیل پالش سے ناخن پر کیمیکل کی ایک سطح جم جاتی ہے جو واٹر پروف ہوتی ہے ،پانی اس میں سے سرایت کرکے ناخن کی اصل سطح تک نہیں پہنچتا ،ایسی صور ت میں وضو نہیں ہوگا ۔
٭٭٭

مال میت سے ادائیگی قرض :۔۔۔۔۔۔
سوال :۔۔۔۔۔۔میت کے مال سے قرض کی ادائیگی کیسے کی جائے ؟؟
جواب:۔۔۔۔۔۔میت کے مال سے بالترتیب چار حقوق متعلق ہوتے ہیں۔
(
١)۔۔۔۔۔۔اسکی تجھیز و تکفین (٢)۔۔۔۔۔۔تجھیز و تکفین کے بعدجو باقی مال بچے اس سے قرض کی ادائیگی کی جائے ،اگر چہ تمام مال اس میں خرچ ہو جائے (٣)۔۔۔۔۔۔اگر ادائیگی قرض کے بعدکچھ مال بچے ،تواس کے تیں حصے کیے جائیں ، تیسرے حصے میں اس کی وصیت نافذ کی جائے (٤)۔۔۔۔۔۔باقی مال ورثاء میں تقسیم کیا جائے ،اسلامی تعلیمات کے مطابق ۔
٭٭٭

رسول اللہ کی وفات کے دن کو عید کہنا :۔۔۔۔۔۔
سوال :۔۔۔۔۔۔رسول اللہ ؐ
١٢ ربیع الاول کو فوت ہوئے ،اس دن کو عید کہنا کیسے صحیح ہو سکتا ہے ؟
جواب :۔۔۔۔۔۔ان احادیث مبارکہ کو ملاحظہ فرمائیں
اللہ تعالی نے جمعہ کے دن کو عید بنایا (ابن ماجہ)
کیونکہ
جمعہ کے دن حضرت آدم علیہ السلام کو پیدا کیا گیا (مسلم)
اورہمیں حکم ہے کہ
جمعہ کے دن غسل کرو ،اور خوشبو لگاؤ (ترمذی)
حالانکہ
جمعہ کے دن ہی حضر ت آدم علیہ السلام فوت ہوئے (نسائی )
مگر ہمیں جمعہ کے دن سوگ منانے کا حکم نہیں
یہی معاملہ ربیع الاول کا بھی ہے
٭٭٭

غیر اللہ سے مدد :۔۔۔۔۔۔
سوال :۔۔۔۔۔۔کیا اولیاء کرام سے مددمانگنی چاہیے ؟
جواب :۔۔۔۔۔۔علامہ غلام رسول سعیدی لکھتے ہیں:ہمارے نزدیک شریعت کا اصل تقاضہ یہی ہے ،ان تمام امور میںصرف اللہ تعالی سے استعانت (مد د طلب کرنی ) چاہیے ،اولیاء اللہ بھی اللہ کے محتاج ہیں ،اور ہم بھی اللہ تعالی کے محتاج ہیں ،تو سلامت روی اسی میں ہے کہ ہر حاجت اللہ سے طلب کی جائے ،اور ہر ضرورت میں اس کے آگے دست سوال دراز کیا جائے (تبیان القرآن ،ج
١ ،ص١٨٦) مزید لکھتے ہیں :جب انسان مصائب کے گرداب اور پریشانیوں کے طوفان میںگِھر جائے ،تو کٹر سے کٹر مشرک بھی صرف اللہ ہی کی طرف رجو ع کرتا ہے ،سو مسلم اور موحد اس بات کے زیادہ لائق اور مستحق ہے ،کہ وہ اپنی مصیبتوں اور پریشانیوں میں صرف اللہ تعالی سے التجا کرے ،اسی سے مدد مانگے اور اسی کے آگے ہاتھ پھیلائے ۔(تبیا ن القرآن ،ج١ ،ص ١٨٧)
٭٭٭

غیر اللہ کی نذر :۔۔۔۔۔۔
سوال :۔۔۔۔۔۔کیا غیر اللہ کی نذر ماننا جائز ہے ؟
جواب :۔۔۔۔۔۔ نذر بھی عبادت ہے ،غیر اللہ کی نذرماننا جائز نہیں
(تبیان القرآن ،ج
١،ص ١٨٦)
٭٭٭

قبر کے سامنے جھکنا :۔۔۔۔۔۔
سوال :۔۔۔۔۔۔کیا قبر کے سامنے جھکنا جائز ہے ؟
جواب :۔۔۔۔۔۔قبر کو سجدہ کرنا ،قبرکا طواف کرنا ،اور حصول منفعت کیلئے صاحب قبر کی نذر ماننا ،قبر کے سامنے جھکنا ،یہ تمام امور ناجائز اور حرام ہیں (تبیان القرآن ،ج
١ ،ص ١٨٧)
٭٭٭

کیا یہ حدیث ہے یا قول :۔۔۔۔۔۔
سوال :۔۔۔۔۔۔(نِیَۃُ الْمُؤْمِنِ خَیْرٌ مِنْ عَمَلِہ)کیا یہ حدیث ہے یا قول ؟
جواب :۔۔۔۔۔۔جی ہا ں یہ حدیث کا ایک حصہ ہے ،مکمل حدیث اس طرح ہے ۔(نِیَۃُ الْمُؤْمِنِ خَیْرٌ مِنْ عَمَلِہِ، وَعَمَلُ الْمُنَافِقِ خَیْرٌ مِنْ نِیَتِہِ)مومن کی نیت اسکے عمل سے بہتر ہے اور منافق کا عمل اسکی نیت سے بہتر ہے (طبرانی معجم کبیر ،شعب الایمان )
٭٭٭
صحابہ کرام کو تحدیث بالمعنی کی اجازت تھی :۔۔۔۔۔۔
سوا ل :۔۔۔۔۔۔کیا صحابہ کرام کو حدیث بالمعنی روایت کرنے کی اجازت تھی؟
جواب :۔۔۔۔۔۔روایت حدیث کے دونوں طریقے ہیں،روایت باللفظ اور روایت بالمعنی ،خود حضور اقدس صلی اللہ علیہ وآلہ وسلم نے تحدیث بالمعنی کی اجازت فرمائی ہے ،البتہ قرآن عظیم ۔۔۔۔۔۔۔۔۔۔۔۔۔۔۔۔۔۔ اس میں نقل بالمعنی جائز نہیںہے۔(فتاوی رضویہ ،ج
٢٧،ص٤٩،ملخصا)
٭٭٭

انشاء اللہ اس میں بہت سا موادمزید شامل کیا جائے گا ،دعا کریں ،اللہ تعالی اس کی توفیق دے ،کچھ دنوں بعد مختصر صحیح بخاری آپکے سامنے آئے گی ،عوام کیلئے وہ بہت مفید ہو گی ،انشاء اللہ ۔دعاؤں کی درخواست ہے والسلام ۔۔۔۔۔۔احسان اللہ
٭٭٭

islamic Question answer ,islamic Sawal jawab ,urdu unicode me isla mic sawal jawab ,Hadees ,fiqhi masail urdu unicode ,uni code urdu website ,islamic data in unicode urdu ,fatwa in uni code urdu ,islamic fatwa in uni code urduislamic Question answer ,islamic Sawal jawab ,urdu unicode me isla mic sawal jawab ,Hadees ,fiqhi masail urdu unicode ,uni code urdu website ,islamic data in unicode urdu ,fatwa in uni code urdu ,islamic fatwa in uni code urduislamic Question answer ,islamic Sawal jawab ,urdu unicode me isla mic sawal jawab ,Hadees ,fiqhi masail urdu unicode ,uni code urdu website ,islamic data in unicode urdu ,fatwa in uni code urdu ,islamic fatwa in uni code urduislamic Question answer ,islamic Sawal jawab ,urdu unicode me isla mic sawal jawab ,Hadees ,fiqhi masail urdu unicode ,uni code urdu website ,islamic data in unicode urdu ,fatwa in uni code urdu ,islamic fatwa in uni code urdu ,



ٰ

No comments:

Post a Comment

Join us on

Must click on Like Button

Related Posts Plugin for WordPress, Blogger...